Maskinmesteri

Maskiinanik, elektronikkimit aamma mekanikkimik soqutigisaqartuuguit aamma ilinniarnertuunngorniarfimmi imaluunniit inuussutissarsiornermut ilinniarfimmi ilinniagaqartuuguit maskinmesteritut ilinniartitaaneq immaqa ilinnut tulluarpoq

Royal Arctic Linemi maskinmesterinngorniarluni ingerlaffissat marluupput: Maskinmesterskole /juniormesteri imaluunniit skibsofficeri.

Maskinmesterskole
Inuussutissarsiornermut ilinniarfimmi ilinniagaqarsimasuuguit ilinniartitaaneq maskinmesterskolemi ukiunik 3 ½-inik sivisussuseqarpoq, imaluunniit ilinniarnertuunngorniarfimmit tunngaveqaruit  ukiunik 4 ½-inik sivisussuseqarluni, tamatuma kingorna qaammatini 12-ni ilivitsuni Royal Arctic Linemi juniormesteritut imarsiorlutit angalassaatit.

Juniormesteritut 
Illit nammineq isumagissavat Danmarkimi maskinmesterskolemut ilinniariartornissat. Taassuma kingorna umiarsuaatileqatigiit umiarsuini juniormesteritut imarsiorlutit angalasinnaavutit.

Skibsofficeritut 
Ilinniartitaaneq ingerlanneqartarpoq atuagarsorneq aamma umiarsuaatileqatigiit umiarsuini praktikkerneq paarlagaallugit. Taanna tassaavoq immikkoortoq junior (ukiut 4) aamma immikkoortoq senior ( ukiup aappaata affaa angullugu), tassunga ilaapput qaammatini 15-ini imarsiorneq. Ilinniartitaanerup ingerlanerani Svendborgimi SIMAC-imi atuassaatit kiisalu umiarsuaatileqatigiit umiarsuini praktikkerlutit angalassaatit.

Skibsofficeritut ilinniartitaaneq aammattaaq periarfissiivoq navigatørinngornissamut imaluunniit dualofficerinngornisamut.

Ilinniartitaaneq pillugu annertunerusumik atuarsinnaavutit uani