Imarsiornermi ilinniartitaanerit

Pissanganartumik siunissamut qulakkiikkamik ilinniagaqarnissat, tamatumunngalu peqatigitillugu angalanissamut periarfissaqarnissat takorloortarpiuk? Nunatta sineriaata annersaa nunarsuarlu tamakkerlugu ornitassat pissanganartorpassuit allat  misigisassarsiorfigerusuppigit? Taamaappat imarsiornermi ilinniartitaanerit Royal Arctic Linep ingerlatai ilinnut naleqquttuupput.

Royal Arctic Linemi ilinniartitaanerni tamani atuagarsorneq aamma sungiusaatigalugu sulineq paarlagaallugit ingerlanneqartarput. Sungiusaatigalugu sulinermi umiarsuaatileqatigiffiup umiarsuisa arlaliusut ilaanni akeqanngitsumik nerisaqarlutillu ineqassaatit, aamma orniginartunik akissarsiaqassaatit.

Umiarsuarmi aamma akeqanngitsumik internetteqarpoq telefoneqarlunilu. Taamaalillutit aamma nunami ilatit ulloq unnuarlu attaveqarfigisinnaavatit.

Ilinniarnerit naammassigukku Royal Arctic Linemi suliffeqalernissannut aamma periarfissaqarluarputit.

Umiarsuaatileqatigiiffiup umiarsuaani sapaatit akunneri arfinillit angalasoqartarpoq, tamatuma kingorna sapaatit akunnerini arfinilinni sulinngiffeqartoqartarluni – angalanermi aamma angerlarsimanermi aningaasarsiat orniginartut pigiinnarneqartarput.

Ilinniakkat pillugit annertunerusumik paasisaqarusukkuit qulaani saamerlermi toortagaq tooruk.

Ilinniakkat arlaannut qinnuteqarusupput imaluunniit apeqqutissaqarpit? Taava inuttalersuinermut immikkoortortaqarfipput attaveqarfigisinnaavat.

Email: ili@ral.gl