Royal Arctic Line A/S-mut tapiiffigineqarnissamut qinnuteqarneq
Kikkut taperneqarnissaminnut qinnuteqarsinnaappat?
- Royal Arctic Lineminngaanniit meeqqat inuusuttullu, piorsarsimassuseq timersornerlu, pissakinnerit ilinniarnerlu tapersersorneqarput.
- Royal Arctic Linep assartuiffigisartagaani assartuinermik tapiisoqartarpoq, aningaasanillu tapersersuinerit qaqutikkut annikitsumik pisarlutik.
- Pisussanut suliniutinullu Kalaallit Nunaannut attuumassusilinnut tapiisoqartarpoq. Royal Arctic Lineminngaanniit kommunini suliniutinut tapiisoqarneq ajorpoq.
Royal Arctic Lineminngaanniit sineriak tamakkerlugu suliniutinut pisussanullu ingerlanneqartussanut tapiisoqarnissaa eqqumaffiginiarneqartarpoq.
Royal Arctic Lineminngaanniit aamma atuartut ilinniakkaminnillu ingerlatsisunut tapiisoqartarpoq.
Royal Arctic Lineminngaanniillu neriuutigineqarpoq, ilaqutariit isertitakinnerusut meeraasa piorsarsimassutsimik allamik misigisaqarnissaat, oqaatsinik ilinniarnissaat aammalu inuunermi ilinniarnerullu ingerlanerani unammilligassanut piareersarneqarniassammata inuunerminni misigisassarsiornissaat.
Qinnuteqarniartilluni tulliuttut piumasaqaataapput:
- Meeraq atuarfissaminut tigusaariissaaq
- Ilaqutariit annerpaamik ukiumut kr. 340.000-inik isertitaqassapput
- Meeraq angajoqqaanilu meeqqap atuariartunnginnerani minnerpaamik ukiuni tallimani Kalaallit Nunaanni najugaqareersimassapput
- Meeqqap 8. klassi naammassereersimassavaa 14-ileereersimassalluniluunniit
- Atuarfimminngaanniit meeraq pillugu oqaaseqaatiliortoqarsimassaaq
Qinnuteqarnermi atualernissamut akuersissut, angajoqqaat ukiumut isertitaat, aningaasartuutissanut missingersuusiuutit ilanngunneqassapput.
Atuaqatigiit angalanissaannut tapiisoqarneq ajorpoq.
Royal Arctic Linemi tapiisoqarnissaanut ataatsimiititaliami ilaasortat qaammammut juli minillugu ataasiarlutik naapittarput. Taperneqarusukkaanni allakkatigut qinnuteqaasiortoqarsimassaaq, suliniutip suuneranik allagaqaasiortoqarsimassaaq, aningaasartuutissanut missingersuusiortoqarsimassaaq aammalu eqqaaneqassalluni Royal Arctic Line suliniummi qanoq nittarsaanniarneqarnersoq.
Tapiisarnernut tunngassuteqartunik apeqqutissaqassaguit tapiisoqarnissaanut ataatsimiititaliaq sponsor@ral.gl –imut saaffigineqarsinnaavoq.