Assartuinermi akigitinneqartut

 

Assartuinermi akigitinneqartoq naatsorsorneqartarpoq kisitsisit makku katinnerisigut:

  • umiarsualivimmi nassiussiffiusumi passussineq
  • imaatigut assartuineq
  • umiarsualivimmi tigusiffiusumi passussineq
  • uuliamut tapi aamma nunat allat aningaasaasa nalingisa nikerartarnerannut iluarsiissut
  • aningaasalersuinermut tapi
  • MRN-imut tapi 

Akigitinneqartut allattorsimaffiat takuuk uani

Akiliutit
Sullissinernut assigiinngitsunut assartuinermut akigitinneqartumit matussuserneqanngitsunut akiliut akilersinneqartarpoq soorlu makkununnga: ilanngaasersisut suliaqarnerannut, nassiussat tiguneqarneranni nassiussinerup akiata akilerneqarnissaanut, pilertortumik nassiussinermut, quersuarmi aamma inissiiffimmi attartorneq, palletsinik attartorneq, containerinik attartorneq, nassiussat Danmarkimi nassiuteqqinnerisa akiat, sillimmasiineq ilaalu ilanngullugit.

Killeqarfimmik nakkutilliineq
Danmarkimi SKAT akuttoqatigiimmik pisartumik Grønlandshavnimi Aalborgimiittumi killeqarfimmik nakkutilliisarput.
Tamanna isumaqarpoq containerit nassiussassallu SKAT-imiit toqqarneqartut scannerimik misissorneqartartut.
Taamatut ingerlatsinermi, Royal Arctic Line-mut immikkut ittumik aningaasartuutaasumi, akiligassiissutigineqartut sullitanut pineqartunut ingerlateqqinneqartarput.Taamaattumik scannerinermut akiligassaq nassiussinermut akiligassaq sullitamit akilerneqareertillugu aatsaat takkussinnaasarpoq.