Nuummi nassiussanut akigititat
Nuummi nassiussanut akigititat Sikukimit Royal Arctic Linemut piumasarineqartartoq ”nassiussassanut atuisup akiliutaa”-nut akitsuut attuumassutilik matussuserniarlugu, sullitagut Nuummi nassiussanut akigititamik akiligassinneqartarput.
Akitsuut assartugassat Royal Arctic Line aqqutigalugu Nuummi umiarsualivitsinni umiarsuarnit usingiakkanut umiarsuarnulluunniit usilersugassanut atuuppoq. Aammattaaq taanna atuutsinneqartarpoq nassiussassat Nuuk aqqusaarlugu umiarsuarnut allanut ilaallutik assartorneqaqqittussanut.
Royal Arctic Linemit akiligassani akitsuutit taakku nalunaarsorneqartassapput ”Nuummi nassiussanut akigititaq FCL” aammalu ”Nuummi nassiussanut akigititaq LCL”. Akitsuutillu imannak naatsorsorneqartarput:
| FCL | (containereq ilivitsoq) | TEU-mut ataatsimut 56,00 DKK * |
| LCL | (assartugassat nalinginnaasut angisuullu) | tonimut 16,00 DKK ** |
| Bulk | (assartugassat anginerumaat) | tonimut ataatsimut 16,00 DKK |
Nassiussassanut Nuummut aqqusaariarlutik illoqarfinnut allanut ingerlaqqittussanut ”nassiussanut atuisut akiliutaa” usingiarnermi umiarsuarmullu allanut usilersueqqinnermut atuuppoq.
*TEU: 20 fodsimut ataatsimut 56,00 DKK, 40 fodsimut ataatsimut 112,00 DKK.
Assersuutigalugu containereq 20 fodseq Aarhusiminngaanniit Maniitsumut ingerlaartussaq Nuummi umiarsuarmut allanut nuunneqassappat, usingiaanermut 56 kr. akiligassiissutigineqassaaq feederimullu aamma usilersuisoqarneranut aamma taamak annertutigisumik akiligassiissusiisoqaqqissalluni. Akiligassaq katillugu 112 kr.-iussaaq. Tamannalu aamma LCL-inut oqimaassusilikkaanik akiligassiissutigineqartartunut atuuppoq.
** Tonimut ataatsimut 16,00 DKK-neqarpoq, tonsimullu nutaamut qaffatsinneqartuaannarluni toni qaangernerit tamaasa. Assersuutigalugu assartugassaq 500 kiluusimappat akitsuut 16,00 DKK-jussaat. 32,00 DKK-iussallunilu assartugassaq 1.200 kilomik oqimaatsigippat.
Paasissutissiissutigineqartut pillugit apeqqutissaqassaguit Royal Arctic Linep atuisunut kiffartuussivia oqarasuaammut +299 70 15 00-imut imaluunniit emailikkut kundeservice@ral.gl–imut saaffiginnittoqarsinnaavoq.