Ilaasartaammut Sarfaq Ittummut igasussarsiorpugut
Kalaallit Nunaanni imarsiorluni suliffeqarfimmi immikkuullarinnerpaami atorfik pissanganartoq unammilligassaqarfiusorlu
Piffissaq angalaffiunerpaasoq aallartisaleruttorpoq taamaattumillu igasumik suliaminut tunniusimalluartumik pissarsiorpugut, Igaffimmi pisortaq aamma igasuaraq peqatigalugit Sarfaq Ittummi ilaasunut puigunaatsunik misigisaqartitsisinnaasumik. Taamaattumik ulluinnarni ulapiffiusumi nerisassiorneq nuannarigukku, sullissinermik pitsaasumik tunniussaqarsinnaaguit aammalu igaffimmiut suleqatigiilluartissinnaagukkit Kitaata sineriaani angallassisarnitsinni ilaasorisatta nerisassiuunnissaannut pisarsiaqartippatsigit.
Sarfaq Ittuk pillugu paasissutissat amerlanerusut nittartakkami uani atuarneqarsinnaapput: Umiarsuarmi – Sarfaq Ittummut ilaalluni angalaneq | Arctic Umiaq Line (aul.gl)
Igasup akisussaaffigai:
- Igaffimmi pisortap ilitsersuinera malillugu ullormut nerisassiornermi ikiuuttarnissaq
- Taquassanik pilersaarusiornermi, inniminniinermi atuinermilu aammalu pajugutigineqartunik tigusinermi suleqataaneq
- Igaffimmi eqqiluisaarnerup eqqiaasarnerullu qaffasissumik pitsaassuseqarnissaanik qulakkeerinninnissaq
Piginnaasat:
- Umiartornermut uppernarsaat
- Peqqissutsimut uppernarsaat
- Igasutut ilinniarsimanermut uppernarsaat
- Umiarsuarnut ilaasartaatinut STCW-mut allagartat atuuttut (atorfimmut pikkunneqarnissamut piumasaqaataanngilaq)
Igasumik pissarsiorpugut:
- Qiimasumik uummaarissumillu
- Umiartullaqqissumik
- Namminersorluni sulisinnaasumik namminerlu akisussaaffeqartitaalluni sulillaqqissumik
- Pitsaassutsimik pingaartitsisumik sullissillaqqissumillu
Neqeroorutigaagut:
- Akissarsiatigut atorfeqarnikkullu atugassarititaasut pitsaasut pikkorissarnerillu atorfimmut pisariaqartinneqartut
- Suliffeqarfik ulapaarfiusoq pissanganartunik unammilligassaqarfiusoq, sulinermilu ullut assigiinngisaannartut
- Umiarsuarmi ataatsimooqatigiinneq tamanut inissaqartitsisoq isikkivigissaartorlu ilaaffigilissavat
- Sapaatit akunnerini arfinilinni angalasinnarlutit sapaatit akunnerini tullinnguuttuni arfinilinni sulinngiffeqartassaatit, angalanermi sulinngiffeqarnermilu akissarsiat assigiillutik
- Piffissap ingerlanerani Sarfaq Ittummi igaffimmi pisortamut imaluunniit umiarsuaatileqatigiiffiup umiarsuaataani allani quliusuni catering-officerimut qaffassarnissamut periarfissaqassaaq
Qinnuteqaat: Qinnuteqaat CV ilanngullugu e-mailikkut uunga nassiunneqassaaq: Imaq@ral.gl
Qinnuteqaatit: Ingerlaavartumik suliarineqassapput