Dettifoss maskiinaajarpoq

Ilisimatitsissutigissavarput umiarsuup imarpikkoortaatip Dettifossip angalanerminut DET 525-mut atatillugu Reykjavikimit Nuummut ulloq unnuarlu ingerlaareerluni maskiinaajarmat.

Dettifoss maannakkorpiaq Reykjavkimut kalinneqarpoq sapaammilu juulip 13-iani tikissangatinneqarluni. Maskiinamik iluarsaassineq nalunaaquttap akunneri 48-t missaannik sivisussuseqartussatut maannakkorpiaq missiliorparput.

Tamatuma kingunerisaanik Nuuk sapaatit akunneranni 28-mi imarpikkoortaammit ajoraluartumik aqqusaarneqassanngilaq.

Angalanermi DET 525-mi usit Reykjavikimi niuneqassapput Tukuma Arcticalu ataasinngorpat aqqusaarpat usineqassallutik umiarsuullu Nuummut sisamanngornermi juulip 17-iani tikinnissaa naatsorsuutigineqarpoq.

Tamatuma saniatigut avammut nioqqutinik nassiussat pingaarnersiorneqartut Silver Marymik Reykjavikimut assartorneqassapput, tassanngaanniillu Dettifossimik Europamut pilersaarutit malillugit assartoqqinneqarnissaat naatsorsuutigineqarpoq.

Taamatut pisoqarnerata sullitatsinnut pisarissersuutaasinnaanera ajuusaarutigaarput, aamma paasinninnissinnut naammagittarsinnaanissinnullu qujavugut.