Royal Arctic Linemi pisortaqatigiinnut ilaasortat arfineq-marlunnit pingasunngortinneqarput

Royal Arctic Linemi siulersuisut ataatsimiinnerminni kingullermi aalajangerput ingerlatseqatigiiffiup pisortaqatigiivini ilaasortat ikilisinneqassasut. Pisortaqatigiit nutaat tassaalerput Pisortaaneq Niels Clemensen, Pisortaanerup tullia Aviâja Lyberth Lennert kiisalu Aningaasaqarnermut pisortaq Jørgen Aqe Møller.

Ingerlatseqatigiiffiup pisortaqatigiivini ilaasortaasimasut suliassaqarfigisaminnut pisortatut ingerlaannassapput, ingerlatseqatigiiffiullu aqutsisoqatigiivisa ulluinnarni aqunneqarnerannut aamma ilaaginnassallutik. Aqutsisoqatigiinni ilaasortat sinneri tassaapput Umiarsualerinermut pisortaq Anders Bay Larsen, Tuniniaanermut pisortaq John Aage Nielsen, Ingerlatsinermut pisortaq Aputsiaq Lynge, Qarasaasiaqarnermut pisortaq Gustav Fischer kiisalu Suliffeqarfissuarmi sulisoqarnermut pisortaq Bebiane Boye Hansen.

Royal Arctic Linemi siulersuisut nutaat inissitsiterput

Siulersuisut ataatsimeersuarnerup kingorna ataatsimeeqqaarnerat pingasunngornermi maajip 29-ani ingerlanneqarpoq. Inooraq Brandt siulersuisut siulittaasuata tullissaatut toqqarneqarpoq, peqatigisaanillu siulersuisut toqqaasussanik akissarsiallu pillugit ataatsimiititaliaanni ilaasortanngorluni. Flemming Drechsel siulersuisut kukkunersiuinermut ataatsimiititaliaannut siulittaasunngorpoq Minannguaq Zeebilu ataatsimiititaliami ilaasortanngorluni. Siulersuisunut ilaasortat sinneri tassaapput Barbara Agersnap, Jóhanna á Bergi kiisalu sulisut qinigaattut siulersuisunut ilaasortat Eydun Simonsen, Laust Vestergaard aamma Tina Lange Olsen.