Siuana Arctica Kullorsuarmut tikippoq

Sapaatit akunneri kingulliit sikoqarnera silalu peqqutigalugit Kullorsuarmut tulanniarneq ajornakusoortarsimavoq, tikinnissaraluillu marluk taamaasillutik iluatsissinnaasarsimanatik.
Ullumikkut septembarip 14-ianni 2023 Siuana Arctica nunaqarfimmut tulanniarnini iluatsippaa.
Siuana Arcticap usit tulassinnaannginnermi apuunneqanngitsoorsimasut ilanngullugit 337 kubikmeterisut annertutigisut aamma containerit mikisut qulingiluat userai, taakkualu massakkut usingiarneqarput.
Pilersaarutit malillugit umiarsuaq aqagu tallimanngornermi Innaarsunnut, Aappilattumut, Upernavimmut, Kangersuatsiamut Upernavik Kujallermullu ingerlaqqissaaq.