Kullorsuup tikinniarnera ajornakusoortinneqartoq

Kullorsuarmut nassiussanik apuussiniarnerup sapaatit akunnerini kingullerni kipiluttunarnera Royal Arctic Linep paasissutissiissutigerusuppaa.

Royal Arctic Line aasaanerani Kullorsuarmut sapaatit akunnerat allortarlugu nalinginnaasumik tikittaraluarpoq. Nunaqarfimmulli aqqusaarnissat kingulliit marluk sikoqarpallaarneranik silarlunneranillu annertuumik kipiluttunartorsiorfiupput. Siuana Arcticami inuttat sapaatit akunneri marluk matuma siorna Kullorsuarmut misiliigaluarput sikoqarpallaarnerali pissutigalugu ingerlaqqiinnartariaqarsimallutik. Umiarsuup angalanissaminut pilersaarutini malillugu angalanini nangeqqippaa ullualuillu qaangiummata misileeqqinniarluni uterpoq, ajoraluartumilli aamma iluatsitsiffiunngitsumik. Taamaattumillu usit niuneqanngillat Aasiannullu utertinneqarput aqqusaarnissamut pilersaarutigineqartumut tullermut assartugassanngorlugit.

Sapaatit akunnerata naanerani qaangiuttumi Kullorsuarmut aqqusaarnissaq pilersaarutaavoq usissallu katersorsinnarlugit umiarsuarmik nassiunneqarput. Qaffiavallaarnerali pissutigalugu umiarsuup nalunaaquttap akunneri aqqaneq marluk qaangiummata aqqusaarnissani taamaatiinnarpaa.

Umiarsuup umiarsualivimmiikkaluarluni misiliiniarnerminik taamaatitsisariaqarnerata pakatsissutigineqarnera paasilluarsinnaavarput.

Kinguaattoornerit ajuusaarutigaagut Kullorsuullu aqqusaarnissaa ilungersorluta sulissutigaarput. Nunaqarfiliartaat Siuana Arctica septembarip 14-iani 2023 misileeqqinniarpoq.

Kajumissaarutigissavarput qanoq pisoqarnissaa pillugu angalanermut pilersaarutit linki una atorlugu malittareqqullugu.

Taamatut inissisimasoqarnerani paasinnilluartoqarneranut qujavugut. Allanik apeqqutissaqassaguit sullitanik kiffartuussivikkut attaveqarfiginissatsinnut tikilluaqquatsigit.