Kinguaattoornerit
Ilisimatitsissutigissavarput Kitaata sineriaani silarlunnera umiarsuit usingiarneqarnerannut usilersorneqarnerannullu kinguaattoortitsimmat.
Kinguaattoornerillu taakku pingaartumik nioqqutissanut Silver Maryp angalanerani 337-mi Irena Arcticallu angalanerani 337-mi sinerissamut assartugassanut sunniuteqarpoq.
Kujataanut pajuttaat kinguaattoorpoq
Kujataanut aamma Maniitsumut nassiussat ullup aappaa avillugu kinguaattuussapput. Irena Arcticap angalanermini 337-mi pilersaarumminut angummannissaa Nuummullu tallimanngorpat oktobarip 13-iani uteqqinnissaa suli naatsorsuutigineqarpoq. Avammut nioqqutinik assartugassat Dettifossip angalaneranut 341-mut aamma angumersissapput.
Silver Maryp angalanerani 337-mi avammut nioqqutinik assartugassat
Avannaanut nassiussat ullunik marlunnik kinguaattuussapput. Ajoraluartumillu avannaanut pajuttaatip Silver Maryp angalanerani 337-mi kujammut nassiussat Dettifossip angalaneranut tullermut 341-mut angumersisinnaassanngillat Nuummi sapaatit akunnerata naanerani umiarsualerinerup sivisunerunerata kingunerisaanik. Angalanermi 337-mi aamma Kangerlussuup naggammik aqqusaarneqarnissaa pilersaarutigineqarpoq.
Taamaattumillu nassiussat pineqartut imarpikkut ingerlaartussamut tullermut, Tukuma Arcticap angalaneranut 342-mut, nutaamik agguarneqassapput, Nuummiillu oktobarip 21-ani aallarnissaa naatsorsuutigineqarpoq.
Nunaqarfiit Upernaviup Uummannallu pigisaaniittut
Kitaata sineriaani silarlunnera aamma Siuana Arcticap angalanerani 336-mi nassiussat kinguaattoornerannik kinguneqarpoq.
Silarlunnera pissutigalugu Nuussuarmut aqqusaarnissaq ajoraluartumik pisinnaasimanngilaq, taamaammat nassiussat Nuussuarmukartut Siuana Arcticap angalaneranut tullermut 337-mut nuunneqassapput, umiarsuarlu immikkut ittumik aqqusaartinneqassalluni.
Aammattaaq Maleraq Arcticap angalanermini 336-mi Saattunut aqqusaarnissani taamaatiinnartariaqarsimavaa, Saattunullu aqqusaarnissaq Maleraq Arcticap angalanissaanut tullermut 337-mut aamma nuunneqassaaq.
Kujataani nunaqarfiit
Tilioq Arctica ajoraluartumik motoorimik akornuteqarluni maanna uninngavoq. Qanoq pisoqarnera pillugu ingerlaavartumik ilisimatitsisoqartarumaarpoq Tilioq Arcticallu angalanissaminut tullermut piareersimanissaa naatsorsuutigineqarpoq. Umiarsuup angalanera Igalikumut Eqalugaarsunnullu aqqusaanngitsoorluni naammassineqarpoq, nassiussallu asiujasut nunaqarfinnukartut allatigut apuunneqarnissaat sulissutigineqarpoq, nassiussallu sinneri angalanermut tullermut utaqqisinneqassallutik.
Umiarsuit tikiffissaannut piffissat nutartikkat nittartakkatsinni takuneqarsinnaapput ingerlaarfiit ataanni umiarsuarnut ataasiakkaanut ingerlaqqiffissat atorlugit:
Ingerlaarfiit – Royal Arctic Line (ral.gl)
Kinguaattoornerit kingunerisaannik unammilligassaqalernerani naammagittarnissinnut paasinninnissinnullu qujangaarpugut.