Royal Arctic Linemi sullitap normuanik pilersitsinermi paasissutissat pinngitsoorani paasissutissiissutigineqartussat

Royal Arctic Line suliniutinik piujuartitsinerusunik suliaqarpoq pappiaqqanillu atuinerup annikillisarneqarnissaa aamma sulissutigalugu. Taamaammat siunissami inniminniinerni e-mailip aamma oqarasuaatip mobilillu normua pinngitsoorani paasissutissiissutigineqartassapput.

Royal Arctic Line taamaalilluni inniminniinermut uppernarsaatinik/nassiussat allagartaannik/akiligassiissutinik e-mailikkut nassiussisinnaanngussaaq nassiussallu aaneqarsinnaanngornerat sullitanut oqarasuaatikkut paasissutissiissutigisinnaanngussallugu.

Inniminniinermi Atip/Suliffeqarfiup taaguutaata aamma najukkap paasissutissiissutigineqarnerisa sullitatsinnut inuinnarnut saniatigut aamma ulloq inuuffik, sullitatsinnullu ingerlatseqatigiinnut CVR normu, e-mail aamma oqarasuaatip mobilillu normua piumaneqartassapput.

Royal Arctic Linemit sullitarpassuagut attavigisinnaasannginnerat nalaassinnaasarparput atuisutut normup pisoqalisimanera pissutigalugu, tamatumalu kingunerisaanik allagarpassuit najukkanut kukkusunut nassiunneqartarput tigusisussamut apuutinngitsoorlutik. Aammattaaq allakkanut akissutisinissaq sivisusarpoq nassiussallu uninngasuutigineqarnerinut sivitsorsaataasarluni, tamannalu aamma quersuarmiititsinermut akiligassiissutigineqartarluni allakkatigut, taakkulu naggataagut akileeqqusissummik allakkatigut nassiunneqartumik aamma kinguneqartarlutik. Pappiliarpassuit atortariaarutissapput, pilertornerusumik akissutisisoqarsinnaalissaaq kiisalu sullitat naammagisimaarinninnerat annertunerulissalluni.