Royal Arctic Linep ingerlaarfimmik allannguinissaminut atatillugu sullitat isummersornissaannik periarfissillugit qaaqquai

Piffissaq eqqorlugu Kalaallit Nunaannut tikittarnissaq qulakkeerniarlugu Royal Arctic Linep Islandimi VSA tunngavigalugu suleqatini, Eimskip, imarpikkut ingerlaarfiup, ilaatigut Tukuma Arcticamit ingerlaarfigineqartup, aaqqiiviginissaa pillugu eqqartueqatigalugu aallartippoq.

Umiarsuarnik ingerlaarfiup allanngornissaa sulissutigineqarpoq, tamannalu isumaqassaaq Tukuma Arctica siunissami umiarsualivinnut amerlanerusunut angalasalissasoq. 

Ingerlaarfimmik allannguineq ilutigalugu avatangiisinut mingutsitsinnginnerulertoqassaaq, ingerlaarfissamimi nutaami imarpikkoortaat piffissami sivisunerusumi imaaniinnerulertussaassammat, tamannalu isumaqarpoq umiarsuaq kigaannerusumik ingerlaarsinnaalissasoq taamaalillunilu orsussamik atuikinnerulissalluni. 

Ingerlatseqatigiiffiup nioqqutissanik eqqussuinermi avammullu tunisisarnermi sullitaanut annerpaanut arlalinnut kiisalu Sulisitsisunut allakkamik nassiussisoqaqqammerpoq, sullitat kiisalu soqutigisallit allannguummut isumaat tusarniarlugit.

Augustip qeqqani ammasumik webinarertitsisoqassaaq, tassani nunatsinni sullitagut soqutiginnittut nunalu tamakkerlugu kattuffiit aaqqiinissamut periarfissanut assigiinngitsunut tunngasunik paasisaqarnissaminnut tunniussaqarnissaminnullu  periarfissinneqassapput.
Nuummut tikittarnerit pitsanngorsarneqarnissaat kissaatigineqarpoq, taamaasilluni tallimanngornermi ullaakkut tikittarnerit qulakkeernerulersinnaajumallugit. Tamanna Kalaallit Nunaanni tamanut pitsaanerusumik sullissinermik pilersitsissaaq kiisalu sullissinermut atatillugu pisarialimmik sipaaruteqartitsissalluni.

Qulaani pineqartunut apeqqutissaqaruit uunga attaveqarsinnaavutit:
Attaveqaqatigiinnermut nittarsaassinermullu pisortaq, Ann-Britta A. Olsvig
E-mail: abr@ral.gl