Aserfallatsaaliuineq pissutaalluni allannguutit
Pilersaarutaasumik aserfallatsaaliuinissaq peqqutaalluni umiarsuit imarpikkoortaatit Bruarfoss, Dettifoss aamma Tukuma Arctica Augustip qaammataani nikittaallutik amutsivimmiittassapput.
Sapaatip akunnera 32-mi ulloq 11. august umiarsuaq attartugarput ”Jonni Richter” atorlugu Aarhus-miit assartuussissaagut.
Internetsikkut inniminniinerit (webbooking) tallimanngornermi juulip 21-ani nal. 16:00-miit (Kal.Nun. nalunaaqutaa malillugu) ataasinngornermi juulip 24-iani ullaap tungaanut matoqqagallassapput.
Piffissami taaneqartumi nassiussassat inniminnerneqareernikut (bookerneqareernikut) angalanermut normuat tamarmik nalunaarsuinermut systemitsinni nutaanut allanngortinneqassapput.
Imarpikkoortaatit angalanissaannut pilersaarutaasut malillugit tikiffissat aallarfissallu allannguuteqassanngillat.
Angalanerit nalunaarsuinermi allannguutissanit eqqugaasussat ukuupput:
- Angalaneq Bruarfoss 330 uunga allanngortissaaq Jonni Richter 330 (angalanermi uani overstørrelsesgods assartorneqarsinnaanngillat)
- Angalaneq Dettifoss 331 uunga allanngortissaaq Bruarfoss 330
- Angalaneq Tukuma Arctica 332 uunga allanngortissaaq Dettifoss 331
- Angalaneq Bruarfoss 333 uunga allanngortissaaq Tukuma Arctica 332
Angalanissat pillugit pilersaarut nutartigaq www.ral.gl-mi takuneqarsinnaavoq.
Allannguuteqartoqarsinnaavoq.
Nalunaarut pillugu apeqqutissaqaruit uunga saaffiginnissinnaavutit kam@ral.gl