Maskiinamik ajutoorneq silarlunneralu pissutigalugu Tukuma Arcticap angalanera 348 kinguaattoorpoq
Naatsorsuutiginngisamik teknikkikkut ajornartorsiuteqarneq aamma Nunatta Islandillu akornanni imartami silarlunnera pissutigalugu Tukuma Arcticap angalanermini 348-mi Reykjavikimut tikinnissaa kinguaattoorfiussaaq.
Umiarsuup Reykjavikimut pingasunngornermi decembarip arfernani aqqusaarnissaa pilersaarutaagaluarpoq, maskiinaminilli ajoraluartumik ajutoorpoq umiarsuarmilu teknikkikkut suliaqartut maanna ilungersorlutik tamanna iluarsiniarlugu sulissutigaat.
Kingoraartissat maskiinamik ajutoornerup iluarsiniarnissaanut atugassat Tukuma Arcticami pigineqareerput.
Silarlunnera taamatut inissisimasoqarneranut aamma sunniuteqarpoq kinguaattoornermullu aamma pissutaaqataalluni.
Royal Arctic Linep maannakkuugallartoq naliliinera naapertorlugu Tukuma Arctica Reykjavikimut sapaatiuppat tikissaaq, iluarsagassarli naammasseriarpat umiarsuup anorersuarsiorluni ingerlaartussaanera sillimaffigeqquneqarpoq.
Umiarsuaatileqatigiiffiup kinguaattoornerit annikillisarnissaanut umiarsuullu isumannaatsumik Reykjavikimut apuunnissaanut, kingornalu Danmarkimut Sverigemullu ingerlaqqinnissaanut sapinngisani tamaat sulissutigaa.
Umiarsuaatileqatigiiffik umiarsuup qanoq inissisimaneranik qaqugulu tikissangatinneqarneranik www.ral.gl-ikkut ingerlaavartumik paasissutissiisarumaarpoq.
Sullitatta paasinninnerannut naammagittarnerannullu qujavugut.