Tukuma Arcticap kinguaattoornera angalanissamullu pilersaarummi allannguutit pillugit paasissutissiineq

Tukuma Arcticap angalanissaanut pilersaarummi allannguutit kingulliit tamatumunngalu atatillugu naleqqussaanerit pillugit sullitatsinnik tamakkiisumik ilisimatitsinissarput kissaatigaarput.

Tukuma Arcticap kinguaattoornera iliuuseqarfiginiarlugu angalanissamut pilersaarummi naleqqussaasoqarpoq:

• Jonni Ritscher (Angalaneq 331):
• Umiarsuaq Reykjavikimeereeruni Skandinaviamut utissaaq Nunatsinnullu usit Silver Mary 329-kkut assartoqqinneqassapput.

• Silver Mary (Angalaneq 329):

• Silver Mary Nunatsinnit avammut nioqqutinik usilluni Nuummiit unnugu aggustip aqqarngani Reykjavikimut aallassaaq. Usiilu Jonni Ritscherimik Reykjavikimit Aarhusimut ingerlateqqinneqarnissaat pilersaarutaavoq.
• Kingornalu John Ritscherip usii Silver Marymut nuunneqassapput Nuummut utissalluni.
• Silver Maryp usii kujataanut pajuttaammut Irena Arcticamut Nuummi nuunneqassapput. Tamatumalu kingorna umiarsuit Avannaanut Kujataanullu angalanertik aallartissavaat. Paasisaqarneroriarutta ullut tikiffissaat paasissutissiissutigiumaarpagut.

• Tukuma Arctica (Angalaneq 329):
  • Tukuma Arcticami iluarsagassat siuariartorfiupput, siuariartornerallu taamatut ingerlaannassappat umiarsuup sapaatit akunnerata tulliata aallartinnerani aallarnissaa naatsorsuutigineqarpoq.
  • Umiarsuullu aallarsinnaanissaa apeqqutaatillugu, Tukuma Arcticap usii Bruarfossimut nuunneqassapput. Tukuma Arcticap usii taamaalillutik Nuummut aggustip 25-ani apuunneqarnissaat pilersaarutaalerpoq.
  • Containerit nillataartitsiviit inuussutissanik imallit aqqanillit Tukuma Arcticamit Jonni Ritscherimut ullumikkut nussoreerpagut. Taamatullu nussuisoqarneratigut kinguaattoorneq sapaatit akunnerannik ataatsimik sivikillineqarpoq, sullitallu uppernarsaatinik nutartikkanik piaartumik tigusaqarumaarput.

• Nanoq Arctica (Angalaneq 331):
  • Nanoq Arctica angalanermini 331-mi Reykjavikimit qaqugu aallassanersoq suli misissorneqarpoq.

Matumani paasissutissiinermi allannguutit pillugit pisariaqartumik paasitinneqarsimanissat upperaarput. Allanillu apeqqutissaqassaguit Sullitanik ikiuisarfiup saaffiginissaanut tikilluaqqusaavutit.

Angalanermut pilersaarutip nalinginnaasup angummaffiginiarnissaa ilungersorluta sulissutigaarput. Sullitavullu pisumi matumani paasinnilluarnerannut uatsinnillu suleqatiginnilluarnerannut qutsavigerusuppagut.