Tukuma Arcticap angalanera 329
Teknikkikkut akornutaasut umiarsuup imarpikkoortaatip Tukuma Arcticap kinguaattoorneranik kinguneqartut malitsigisaannik qanoq inissisimasoqarnera pillugu Royal Arctic Line ima nalunaaruteqarusuppoq:
Tukuma Arctica arfinngorpat aggustip 12-iani Aarhusimit aallarsinnaanngornissaa naatsorsuutigineqarpoq. Teknikkikkut akornutaasut iluarsinissaat ilungersorluta sulissutigaarput, iluarsiniarneralli ajoraluartumik naatsorsuutigisatsinnit sivisuneruvoq.
Sapaatit akunnerannik ataatsimik kinguaattoortoqarnera angalanissamut pilersaarummut annertuumik sunniuteqarpoq. Taamaattumillu Tukuma Arcticap angalanera 329 Reykjavikimi unissaaq. Jonni Ritscher angalanermini 331-mi Tukuma Arctica utaqqissavaa usiinillu sapinngisamik amerlanerpaanik usineqassalluni. Usit nussornissaannut piffissaq killeqartussaammat nioqqutit asiujasut pingaarnersiuinermi salliutinneqassapput. Jonni Ritscherip angalanermini 331-mi taamaalilluni Nuummut aggustip 19-iani tikinnissaa pilersaarutigineqarpoq.
Tukuma Arcticap angalanerani 329-mi usit sinneruttut Bruarfossip angalanermini 330-mi Reykjavikimut aqqusaarnerani tullermi usineqassapput, Nuummullu aggustip 25-ani tikinnissaa naatsorsuutigineqarpoq.
Sullitavut suleqatigisavullu taamatut unammillernartunik pisoqarnerani naammagittarsinnaanerannut paasinninnerannullu qutsavigaagut. Kinguaattoornerit annikillisarnissaat piffissamilu aggersumi pisariitsumik ingerlatsisoqarsinnaanissaa sulissutigaarput.
- Tukuma Arcticap angalanerani 329-mi usit qaqugu Nuummut tikinnissaat sinerissamullu ingerlateqqinneqarnissaat naatsorsuutigisinnaavara?
Tallimanngorpat aggustip 11-ani umiarsuaqassanngimmat usit Nuummut aggustip 19-iani aamma aggustip 25-ani apuunnissaat sulissutigaarput tamatumalu kingorna sinerissamut ingerlateqqinneqassallutik. - Tukuma Arcticap angalaneranut 332-mut tunniussinissamut maanna killigitinneqartut qanoq inissisimappat?
Angalanissaq taamaatinneqarpoq umiarsuullu Jonni Ritscherip angalanissaanut 331-mut aggustip 20-ani 2023-mi aallartussamut inniminniisoqassaaq. - Angalanissanut tullinnguuttunut usissanik inniminneereersimaguma qanoq iliussaanga?
Inniminnikkanut uppernarsaatit nassiussallu allagartaat ingerlaavartumik nutarterneqarumaarput.
Paasissutissanik sukumiinerusunik perusuttoqarpat apeqqutissaqartoqarpalluunniit sullitanik ikiuisarfik inussiarnersumik saaffigeqquneqarpoq.