Paasissutissat nutartikkat

Tukuma Arcticap angalanera 329 ullumikkut aggustip 14-ianni Aarhusimiit aallartippoq.
Tukuma Arcticap usii Reykjavikimi Bruarfossip angalanissaanut 330-mut nuunneqassapput, taannalu aggustip 25-anni Nuummut tikissangatinneqarpoq.

Silver Mary Reykjavikiliarpoq Jonni Ritscherip angalanerani 331-mi userisai aallugit. 
Silver Maryp Nuummut tikinnissaa aggustip 19-ianni pissasoq naatsorsuutigineqarpoq, tassanngaanniillu Avannaanukartunut Kujataanukartunullu ingerlateqqinneqassallutik.

Nanoq Arcticap angalanera 331 allannguuteqarpoq, arfininngornermilu aggustip 19-ianni aallarnissaa naatsorsuutigineqarluni. Usit Johnni Ritscherip angalaneranit 331-meersut aamma Tukuma Arcticap angalaneranit 329-meersut Tasiilamut aggustip 21-anni pissangatinneqarput. Nanoq Arcticap angalanera 333 kinguaattuussaaq angalanerullu 331-p kinguninngua aallarteqqissalluni.

Malik Arctica piffissami sivisuumi suliassaqarluni Tunup avannaaniippoq aggustillu 28-anni Aarhusimut pinissaa naatsorsuutigineqarluni, Aarhusimiit Qaanaamukartussanik nassiussinissamut killerititaq taamaasilluni aamma sivitsorneqarpoq:

Nassiussat nalinginnaasut 22/8
Navianartut - IMDG 18/8
Qerisut 17/8-21/8
Nillataartut 24.8 nal. 12.00 nallertinnagu
Containerit - FCL 24.8

Nassiussat tamarmik nutartikkamik allagartalerneqassapput. Nassiussat nittartakkakkut www.ral-dk-kkut Track & Trace atorlugu malinnaaffigineqarsinnaapput.

Neriuppugut paasissutissiinerput iluaqutaasimassasoq taamaasillutillu nassiussavit imalt. nassiussarsiassavit qaqugu tikinnissaa pillugu aamma paasisaqarsinnaalerlutit.
Allanik apeqqutissaqaruit Sullitanut Kiffartuussivitsinnut saaffiginnissinnaavutit.

Tukuma Arcticap aallarsinnaalernissaanut sapinngisarput tamaat iliuuseqarsimavugut, qutsavigaassilu paasinnilluarlusi naammagittarsimanissinnut minnerunngitsumillu taamatut pisoqarnerani suleqateqarluarsimanitsinnut.