Ukiornissaanut peqqumaatissat tamakkerlugit Ittoqqortoormiinut apuunneqarput
Ittoqqortoormiinut umiarsuaqaqqinnissaa noqqaassutigalugu Ittoqqortoormiini innuttaasut akornanni sapaatip akunnerani kingulliup tulliani atsiornernik katersisoqarpoq. Atsiornernik katersisoqarnerata kingunerisaanik Ittoqqortoormiinut ukiornissaanut peqqumaatissanik amigaateqartoqarneranik isumaqalersitsisinnaavoq. Royal Arctic Linellu uppernarsarpaa ukiornissaanut peqqumaatissat apuunneqareersutut.
Innuttaasut ataasiakkaat nassiussarsiassaminnik umiarsuarmut kingullermut ilaasussanik tunniussisinnaasimanngillat. Sullitallu ataatsip pisiniarfigisaata nassiussani illoqarfimmut kukkusumut inniminnersimavaa. Taamatullu pisoqarsimanera Royal Arctic Linep susinnaanngilaa.
Umiarsuaqaqqinnerata Ittoqqortoormiini inuuniarnermut pingaaruteqartupilussuusinnaanera paasisinnaalluarparput. Royal Arctic Linemiillu sullitavut Naalakkersuisullu suleqatigalugit Reykjavikip Tasiilallu akornanni ingerlaarfiusumi umiarsuup angalanermi ataatsimi 2023-mi aasakkut Ittoqqortoormiinukartinneqarsinnaaneranut periarfissat misissorusupparput. Tamanna pillugu ukioru paasissutissiiumaarpugut.
Nassiussanut tunngasunik saaffiginnissutit tamaasa Nunatsinni sullitanik kiffartuussivimmut oqarasuaatikkut 701500-imut imaluunniit emailikkut kundeservice@ral.gl-imut ingerlanneqarsinnaapput.