Nunaqarfiliartaammik Narsami atsiinissaq

Umiarsuaatileqatigiiffiup umiarsuaataata nutaanersaat kingullersaallu Tilioq Arctica sapaatip akunnerani uani Narsami atserneqalerpat Royal Arctic Line umiarsualivimmi nalliuttorsiortitsinissamut qaaqqusivoq.

Umiarsuaaqqamik atsiisussaq Narsap, Tilioq Arcticap kiffartuussiffissaata, inuisa akornanni toqqammaveqarluarpoq. Pitsaaliuinermi siunnersortip Bolethe Stenskovip Tilioq Arctica, maanna Narsap pigisaani angalalereersoq, pingasunngornermi aggustip 31-ani 2022 nal. 14:00 Narsap umiarsualiviani pisortatigoortumik atsissavaa, illoqarfimmilu innuttaasut tamaasa nalliuttorsiornissamut qaaqquneqarput.

Narsami atsiinerup kingorna illoqarfimmiut umiarsuaq ikiffigalugu takusassarsiornissamut periarfissaqassapput, umiarsualivimmilu nal. 17:00-ip tungaanut kaffilertoqassaaq nipilersortunillu aliikkusersuisoqarluni.