BAF / CAF 1. september 2022

Royal Arctic Linep orsussamut akiliutigisartagai aalaakkaanerulerput, taamatuttaarlu aningaasat nalingisa allanngorarnerat aalaakkaanerulerluni.

Taamaattumik Royal Arctic Linep uuliamut aningaasallu nalinginut tapiliuttagaq aggustimi 30,73 %-iusoq naleqqussartussanngorpaa:

Septembarip aallaqqaataa 2022 aallarnerfigalugu 27,46%-inngorlugu.

Tapiliuttagaq nalileeriaaseq 2010-meersoq uuliap akianut aningaasallu nalinginut agguataarsimasoq, taakkulu akiisa allanngorarnerannut malinnaatinneqartoq tunngavigalugu naatsorsorneqartarpoq.

Imaappoq imaatigut assartuinermut assartugassallu suliarineqarnerannut akiusoq ullumikkut 2.000 koruuniusimappat, taava uuliamut aningaasallu nalinginut tapiliuttagaq 549,20 koruuninik akeqassaaq.

Uuliamut aningaasallu nalinginut tapiliuttagaq uuliap akiisa aamma aningaasat nalingisa nalorninartoqarnerinut ingerlatseqatigiiffik isumannaallisarniarlugu atorneqarpoq Royal Arctic Linemullu iluanaaruteqarfiunani.