Nassiussassanik ataasiakkaanik, nillataartunik qerisunillu Aarhusimiit nassiussisinnaalerneq

Royal Arctic Linemit maanna ilisimatitsissutigisinnaavarput nassiussat nassiussassat ataasiakkuutaat (LCL) nillataartut aamma qerisut Kalaallit Nunaannut Kalaallit Nunaanniillu nassiunneqartartut Danmarkimi nutaamik suleqateqalerluta aallartiffissaata ullua.

Allannguinermut ilaasoq umiarsuaq aallartussaq siulleq tassaassaaq Tukuma Arctica angalaneq TUK141.

Nassiussanik ataasiakkaartut (LCL) nillataartunik aamma qerisunik Aarhusimut tunniussinikkut Kalaallit Nunaannut ullunik marlunnik sivikillissaaq, taamaaliornikkullu sullittakkatsinnit amerlasuunit kissaatigineqartoq ilalerneqassaaq, tassa piffissap assartuiffiusup pitsanngorneranit, ingammik nioqqutissat nillataartitsivimmiittussat ullui mianernartut eqqarsaatigalugit. 

Taamatuttaaq allanngortitsinerup kingunerissavaa umiarsuup aallannginnerani ulluinnaat ataqatigiittut nassiussanik nillataartunik aamma qerisunik passussinermi amerlanerulissapput, siusinnerusumut naleqqiussilluni, tassani umiarsuaq Aarhusimit tallimanngornikkut aallartassammat Aalborgimit pingasunngornikkut aallartaraluarluni.

Nassiussat ataasiakkaat (LCL) nillataartussat pillugit Frode Laursen A/S passussisussatut isumaqatigiissuteqarfigineqarpoq, kiisalu Agri-Nordcold A/S nassiussanik ataasiakkaat (LCL) qerisunik passussisussatut.

Nassiussat ataasiakkaat (LCL)-nillataartut Hørningimi tunniunneqarsinnaalissapput pingasunngorneq 20. oktober kiisalu tunniussiffissaq ulloq kingulleq tassaassalluni, ulloq 28. oktober, nal. 12.00.

Siunissami kingusinnerpaamik nassiussanik ataasiakkaat (LCL)-nillataartussanik tunniussiffissaq tassaassaaq sisamanngornikkut nal. 12.00.

Illu nillataartitsiviup sumiiffia: Petersmindevej 5-7, 8362 Hørning.

Royal Arctic Linemit Tukuma Arctica angalaneq TUK141-mut nassiussassatut bookingimi tiguneqareersimasut atorunnaarsissavai nassiussinissanullu uppernarsaatinik nutaanik DKAARxxxxxxx aqqutigalugu nassiussissalluni, taanna tunniussinermi atorneqassaaq.

Sukumiinerusumik paasisaqarusukkuit inussiarnersumik qinnuigaatsigit Royal Arctic Linep sullittakkanut sullissivia attaveqarfigeqqullugu.