Dettifoss angalaneq 143 kinguaattoorpoq

Ilisimatitsissutigissavarput Dettifossip angalanermini 143-mi (ingerlaarfik aappaluttoq) Nuummut tikinnissaa kinguaattuussammat.

Kingusinaarneranut pissutaavoq aqqutaani anorersuarsiorsimammata.

Umiarsuaq Nuummut tikissangatinneqarpoq tallimanngornermi novembarip 19-iani unnuakkut.

Kinguaattoorneq pissutigalugu tallimanngornermi novembarip 19-iani nassiussarsianik aallertoqarsinnaanngilaq. 

Umiarsuaq Nuummut tikippat, Royal Arctic Linep pisisartunut nassiussat tuaviornerpaamik agguaanniarsarissavai.

Inussiarnersumik qinnuigissavatsigit track&trace atorlugu nassiussarsiassatit sumut killinnersut alakkartertaqqullugu.

Dettifossip angalaneranit 143-imit assartukkat sinerissamut nunaqarfinnullu umiarsuarnit assartoqqittassat ajoraluartumik tamanna pissutigalugu aamma kinguaattuussapput.

Royal Arctic Linep umiarsuit qaqugu tikittassanersut pillugu pisisartut ataavartumik ilisimatittassavai qaqugulu nassiussarsiat aaneqarsinnaalissanersut.

Dettifossip angalanera 143 sumut killinnersoq ugguuna alakkarneqarsinnaavoq: Dettifoss