Posta Savalimmiuni Royal Arctic Linemut assartugalerinermi sullissisunngorpoq
Isumaqatigiissuteqarnermi Nunatta Savalimmiullu akornanni niueqatigiinneq nukittorsarneqassaaq sapaatit akunnikkuutaartumik aallartoqartarluni
Royal Arctic Linep assartuinermi aaqqissuussinerata nutaap iluani kiffartuussinerup periarfissallu pitsanngorsarnissaannik suliaqarnini Royal Arctic Linep ingerlatiinnarpaa.
Taamaattumillu nuannaarutigalugu nalunaarutigissavarput Savalimmiuni assartugalerinermik suliffeqarfik, Posta, Savalimmiuni Torshavnimi inissisimaffeqartoq Royal Arctic Linemut assartugalerinermi sullissisunngormat. Tamatuma malitsigisaanik Nunatta Savalimmiullu akornanni nassiussat tamaasa Postamit isumagineqartassapput.
Nassiussanik tamalaanik (LCL) tunniussineq aallernerlu Postap Torshavnimi sullissiviani pisassapput.
Aallartisarneq sapaatillu akunnikkuutaarlugit aallartarnerit
Suleqatigiinnerup aallartisarnerani nassiussat nalinginnaanerpaat aallaqqaasiutigineqassapput (usit nalinginnaasut, nillataartitat qerisullu), atuutilersitsinermilu misilittagarineqalersut ilutigalugit annertusaasoqarumaarpoq. Immikkulli ittunik nassiussassaqaruit, soorlu angisoorsuarnik nassiussat imaluunniit nassiussat navianartut, Royal Arctic Line imaluunniit Posta attaveqarfigisinnaavatit.
Savalimmiuni containerinik ilivitsunik tunniussineq aallernerlu Postamit aamma neqeroorutigineqarsinnaavoq, tamanna nammineerluni isumaginianngikkaanni.
Nassiussanik tamalaanik containerinillu ilivitsunik aallerneq tunniussinerlu Postamit neqeroorutigineqarsinnaavoq, sullitavut taamaalillutik najukkamit najukkamut tunniussinermik kiffartuunneqarsinnaallutik. Akileraarusersuineq sullissinerillu allat aamma periarfissaalissapput.
− Postap Royal Arctic Linellu akornanni nutaamik isumaqatigiissuteqartoqarneratigut Savalimmiut Kalaallillu Nunaata akornanni niueqatigiinnermik attaveqaasersuutinillu nukittorsaasinnaanerput nuannaarutigaarput. Taamaaliornikkut sullitavut pitsaanerusumik kiffartuussinnaanngorpagut Tórshavnip Kalaallit Nunaatalu akornanni sapaatit akunnikkuutaartumik attaveqarluta, Postami pisortaaneq, Joel undir Leitinum, taama oqarpoq.
Inniminniinermut tunniussinermullu killigititat:
Attaveqarfissat
Sullitat
Arina Bischoff, Head of Sales, oqar. +298 236060, mail: Arina@posta.fo
Royal Arctic Line
Oqar. + 299 70 15 00, mail: kundeservice@ral.gl
Posta pillugu
- Posta Savalimmiuni assartugalerinermik suliffeqarfiuvoq, inuinnarnut suliffeqarfinnullu allakkatigut nassiussanik agguaassinermik assartugalerinikkullu sullissinernik ingerlatsisoq.
- Savalimmiuni Tórshavnimi qullersaqarfeqarpoq
- Postap ataani ingerlatseqatigiiffiit marluupput: PostaLogistics Danmarkimi marlunnik immikkoortortaqarfeqartoq kiisalu Savalimmiuni North West Chartering.