Uuliamut aningaasallu nalinginut tapiliut Royal Arctic Linep naleqqussarpaa

Marsip aallaqqaataani 2021-mi uuliamut aningaasallu nalinginut tapiliuttagaq (BAF/CAF-imik, bunker and currency adjustments factors), maannakkorpiaq -3 %-imiittoq Royal Arctic Linep naleqqussassavaa 3%-inngortillugu.

Tapiliuttagaq nalileeriaaseq 2010-meersoq, uuliap akianut aningaasallu nalingannut agguataarsimasoq, taakkulu akiisa ineriartornerannut malinnaatinneqartoq, tunngavigalugu naatsorsorneqartarpoq. Uuliap akia 2020-p qeqqata missaanili qaffakkiartorsimavoq, massakkullu akiata inissisimanera 0,71 %-imik qaffaanissamut tunngaviliivoq, aningaasat nalingat 2,05 %-imik qaffaanissamut tunngaviliilluni.

2020-p affaata naggataani uuliap akiata qaffakkiartornera aamma Royal Arctic Linep sullissaminit pisassaqarneranik kinguneqarpoq. Pisassat taakku qaammatinut 12-inut agguataarlugit isertinneqassapput, tapiliummullu 0,38 %-imik sunniuteqartitsilluni.

 

Orsussap akia	0,71 %
Aningaasat nalingat	2,05 %
Katinneri	2,76 %
Killiffik kingusinnerusukkut akiligassanngortitassaq (ingerlaavartumik)	0,38 %
Katillugit	3,14 %

 

Immakkut assartuinermut suliarineqarnerannullu akiusoq ullumikkut 2000 kroniusimappat, taava uuliamut aningaasallu nalinginut tapiliuttagaq taakku qaavisigut 60 kronit akiliutigineqassapput.

Paasissutissat amerlanerusut Royal Arctic Linep nassiussassanut inniminniisarfiini nassiussassanullu saaffiginnittarfiini pineqarsinnaapput.