Sullitanut paasissutissaq

Kalaallit Nunaata USA-llu, Canadap, Tuluit Nunaata, Savalimmiut, Hollandip Norgellu akornanni toqqaannanngitsumik assartuineq pappilissatigut unippoq. Tassa Royal Arctic Line nunanut taaneqartunut taakkunanngalu Eimsip suligalugu assartuisarunnaarpoq.

Maannamut nunanit taaneqartunit Eimskip aqqutigalugu kiisalu Royal Arctic Linep assartukkanut allagartai atorlugit tikittakkanut tamanut nassiussassanik inniminniineq ajornartarsimanngilaq. Tamana pissutigalugu ajoqusikkat, nuussinernut piffissartorneq, kiisalu aningaasartuutit assigiinngitsut Royal Arctic Linep akilertagai ajornartorsiutaasarsimapput. 

2021-imi marsip ulluisa aallaqqaataaniit ornigassanut taaneqartunut taakkunanngalu suli assartuisoqarsinnaassaaq, kisiannili Royal Arctic Line avaqqullugu tamanna pisassalluni. Taamaammat nassiussalerisarfik imaluunniit Eimskip aqqutigalugu nassiussineq pissanersoq sullitap nammineq aalajangertalissavaa, soorlu nunarsuup sinnerani nassiussivissanut allanut taamaattartoq. 

Nassiussat Royal Arctic Linep attaveqarfiinit nassiussat Islandimi aqqusaarnerini tiguneqaraangata umiarsuaatileqatigiiffiup assartuinermut aalajangersagaanik piumasaqaataanillu imalinnik nutaamik nassiussanut allagartalerlugit Royal Arctic Linep assartortassavai.

Aqqutinut taaneqareersunut aningaasartuutaasarsimagaluartut Kalaallit Nunaata Islandillu akornanni assartuinermut akinut apparsaataanissaat Royal Arctic Linep maanna sulissutigaa. Taamattaaq angallaviit aappalaartut: Helsingborgip, Aarhusip, Torshavnip kiisalu Rekjavikip tikinneqartarnerat pitsaanerulernissaat taamalu Kalaallit Nunaannut tassanngalu nassiussinerup ajornannginnerulernissaa sulissutigineqarpoq. Taamaaliortoqarsinnaavoq umiarsuit taaneqartut toqqaannartumik aqqutigalugit imaluunniit sullissisartunut ingerlaavartumik isumaqatigiissuteqartarnitsigut umiarsuliaviit attuumassuteqartut atorlugit.

Assartukkat massakkut Eimskippip attaveqarfiisigut ingerlaqqittut soorunami siusinnerusukkut pisarnitsitut ingerlatissavavut.

Apeqqutissaqaruit Royal Arctic Linep sullissisarfianut attaveqarsinnaavutit.