Malik Arcticap sikorsuit angallavigiuminarnerulernissaat utaqqivaa

Ullumi ataasinngornermi Malik Arctica aammaarluni Ittoqqortoormiinut tikinniarsarigaluarpoq. Sikoqarpallaarnerali pissutigalugu illoqarfik angusinnaasimanngilaa, Malik Arcticalu Ittoqqortoormiit avataannut utaqqiartorallarpoq.

Umiarsuup naalagaa, DMI Ittoqqortoormiinilu KNI ataavartumik oqaloqatigiittarput, sikullu akulloqquallugit periarfissaq siulleq takkuteriarpat Malik Arcticap ilummukarnissani misileqqissavaa.

Pissutsit pillugit aqagu marlunngornermi nal. 11:00 nutaarsiassaqaqqissaaq.