Malik Arctica Ittoqqortoormiit eqqaanni sikorsuarni suli ingerlaqqissinnaajunnaaqqavoq

Malik Arctica Ittoqqortoormiit eqqaanni sikorsuarni suli ingerlaqqissinnaajunnaaqqavoq. Umiarsuup inissisimanera taamaginnarpoq nunalu arriitsumik ungasilliartorpaa. Sumiiffimmi ulluni tulliuttuni silap anorillu qanoq innissaat umiarsuup qaqugu sikorsuarnit ingerlaqqissinnaaneranut apeqqutaassapput. DMI qaammataasamit assilisanik ingerlaavartumik tunniussisarpoq, taakkulu takutippaat naammagittalaartariaqassasugut. 

Royal Arctic Linep ukiup taamaalinerani sumiiffimmut ukiornissaanut peqqumaatissanik pajuttarnera nalinginnaasuunngitsutut oqaatigineqarsinnaanngilaq. Malik Arcticap umiarsualivimmi talissinnaannginneranut sikorsuit pissutaapput ukiup sikua pissutaanani, ajoraluartumillu sikorsuit ingerlaarnerat ukiup sikuanit nalinginnaasumit naatsorsoruminaanneruvoq. Ukiussamut sikujartornera pineqarsimasuuppat umiarsuaq Malik Arcticatut ittoq sikumik aserorteraluni umiarsualivimmut apuussinnaavoq, taamaattumillu pissutsit allaanerusimassagaluarlutik. 

Royal Arctic Linep umiarsuaanik sikorsuarni ingerlaqqissinnaajunnaartoqarnera kingulleq 2007-imi pivoq, taamani Arina Arctica Danmarkshavnimukartilluni ullunik arfinilinnik kinguaattoormat. Arctic Umiaq Linep umiarsuaa Sarfaq Ittuk aamma 2018-imi sikorsuarni ingerlaqqissinnaajunnaarpoq, ilaasullu Kujataaneersut ulluni arfinilinni Torsukattaap ikerasaani ingerlariaqqissinnaajunnaaqqallutik.

Aqagu tallimanngornermi nal. 11:00 paasissutisseeqqittoqassaaq.