Malik Arctica Ittoqqortoormiit eqqaanni sikorsuarni ingerlaqqissinnaajunnaaqqavoq

Ukiornissaanut peqqumaatissat ulluni qaninnerni nunamut niuneqarnissaat qulakkeerniarlugu Royal Arctic Line, KNI, Arktisk Kommando aamma DMI qanimut suleqatigiipput.

Malik Arctica Ittoqqortoormiit eqqaanni sikorsuarni ingerlaqqissinnaajunnaaqqavoq. Umiarsuup ingerlaqqissinnaanissaa sulissutigineqarpoq sikoqarpallaarnerali maannakkorpiaq unammillernarpoq.

Umiarsuaq inuttallu navianartorsiunngillat. Pisariaqartitsisoqalissagaluarpat sumiiffimmi isumannaallisaaneq annertusarniarlugu atortunik sumiiffimmukaassinissaq pillugu Issittumi Sakkutooqarfik qanimut suleqatigineqarpoq.

Ukiornissaanut peqqumaatissat nunamut niuneqarnissaat pingaarnertut ukkatarineqarpoq, Royal Arctic Linellu sikoqassuseq pitsanngoriarpat tamatuma qulakkeerniarnissaa pillugu DMI-p sikunik alapernaarsuisui aamma KNI qanimut suleqatigai. Sikoqassutsip ullut marlussuit iluanni pitsaanerulernissaa naatsorsuutigineqarpoq. Sumiiffimmullu ukiornissaanut peqqumaatissat qulakkeerneqarnissaat siunertaralugu taamatut inissisimasoqarnera illuatungeriinnit tamanit malittareqqissaarneqarpoq.

Aqagu sisamanngornermi nal. 12:00 paasissutisseeqqittoqassaaq.