Angaju Ittuk Narsamut utiinnartariaqartoq

Royal Arctic Line ullaaq ilisimatinneqarpoq Angaju Ittuk Narsamit aallarsimatsiaannarluni utertariaqarsimasoq inuttat ilaata imigassartorsimasutut pasineqarnera pissutigalugu.

Narsamit sapinngisamik piaarnerpaamik taartissarsinissaa sulissutigineqarpoq, umiarsuup Kujataani nunaqarfinnik pilersuinini aallarteqqissinnaaniassammagu.

Royal Arctic Line imigassaq pillugu erseqqilluinnartumik politikkeqarpoq inuttat, umiarsuaq usillu imaani isumannaallisarnissaat illersorumallugu. Najoqqutassanik pineqartunik unioqqutitsineq akuerineqarsinnaanngilaq. Inuttat sinneri politiillu pisumut atatillugu iliuuseqarnerannut qutsavigaagut.