Systeminik nutarterinut atatillugu matusigallarneq

Naammassisinnaasat kiffartuussinerlu qaffassarusullugit qarasaasiat pisinnaasaat Royal Arctic Linep nutartertuartarpai.

Nassiussassanik aqutsissutip LIMAp pilersaarutaasumik nutarterneqarnissaanut atatillugu nassiussisarfinnut tunniussisarneq aallertarnerlu taamaalilluta matugallassamaalerparput.

Nuummili containerinik tunniussisinnaaneq aallersinnaanerlu periarfissaassaaq, tamakuninnga aqutsineq aqutsissut alla atorlugu ingerlasamat, aamma aallernermi allagartaq akuersissut nassarneqassaaq.

Matusineq pilersaarutit malillugit pissaaq pingasunngornermi 18. marts, Kalaallit Nunaanni nalunaaqutaq malillugu nal. 14:00-imiit 20:00-ip tungaanut.

Piffissami tassani nassiussassanik tigusisinnaassanngilagut.

Poortukkanik allanillu nassiussassanik tunniussisinnaaneq aallersinnaanerlu nal. 14:00-imiit Royal Arctic Linep nassiussisarfiini tamani pisinnaassanngilaq.

Nassiussisarfiit tamarmik nalinginnaasumik ammaqqissapput sisamanngornermi marsip 19-ianni nal. 08:00.

Nuummi gate containerinik tunniussinermut aallernermullu ammassaaq, nassiussat allagartaannik takutitsinikkut.