Royal Arctic Line Sverigeliartalerpoq

Royal Arctic Linep Eimskipimik ingerlaaqateqarnerani siumut alloriaqqittoqarpoq umiarsuaatileqatigiiffiup umiarsuaataa Tukuma Arctica ullumi sisamanngornermi juulip ulluisa aappaanni 2020 Helsingborgimut Sverigemiittumut tikimmat. Tamaani sapaatit akunneri tamaasa aqqusaartagassamukaassassanik Islandimukaassassaanerusunik, usilersorneqarpoq, Aarhusimut, Reykjavikimut Nuummullu, juulip qulinganni tikiffissaminut, ingerlaqqinnginnermini.

Sapaatip akunnerata tulliani juulip arfineq-pingajuanni ingerlaaqatigiinnermut ilanngulluni Eimskipip umiarsuaataa Dettifoss Aalborgimiit siullerpaamik aallarpat angusaq tulleq pissaaq. Umiarsuimmi VSAp ataani angalasussat pingasuusut ilaat marluk taamaalillutik angalalissapput.

Umiarsuarnik soqutigisallit alapernaattartullu Dettifoss siullerpaamik Nuup umiarsualivianut pulalerpat tallimanngornermi juulip 17-ianni ullaakkut takusinnaassavaat.