Siuana Arctica

Siuana Arctica Royal Arctic Linep nunaqarfiliartaatitaassaata sisamaasut siullersarissavaat, nunaqarfiliartaatit sumiiffinni pajuttuiffigisassaminni illoqarfiit angerlarsimaffigissavaat.

Nunaqarfiliartaatitaavut Erfalasorput erfalasoralugu umiartussapput. Umiarsuit nutaat inuiaqatigiinnik kalaallinik sullissinissaat Royal Arctic Linep pingaartippaa, taamaattumillu umiarsuit ilusilersorneqarnerinut atatillugu kalaallinit umiartortunit ilinniarfittut atorneqarnissaat aamma eqqarsaatigineqarpoq.

Nunaqarfiliartaat Upernavimmut nunaqarfiinullu pajuttuisussaq atserneqarpoq Siuana Arctica.

Siuanap isumaa tassaavoq siulersorti, siorleq imaluunniit siuttoq. Royal Arctic Linep nunaqarfiliartaatitaava Siuana Arctica taamaalilluni nunaqarfiliartaatinut allanut pingasunut nunatsinni nunaqarfippassuatsinnik pajuttuisussanut siulersortaassaaq.