Shippingimik ilinniartoq

Shippingip iluani sulinissat Royal Arctic Linemi aallartiguk

Shippingimi ilinniarneq nunani tamalaani atorneqarsinnaasoq Royal Arctic Linep neqeroorutigaa, ilinniarnerullu naammassinerani uagutsinni atorfinissinnaanissat periarfissaqartinneqassalluni. 

Atuagarsornikkut suliffimmilu sulinikkut shippingip silarsuaani suliassanut assigiinngitsorujussuarnut isertinneqassaatit.

Ilinniartitaaneq pillugu

“The Commercial Shipping Program” ukiuni marlunni ilinniarfiuvoq, piffissallu ingerlanerani atuagarsornikkut, suliffeqarfimmi sulinikkut namminerlu E-learning aqqutigalugu ilinniarnikkut ingerlatassaalluni.

Ilinniartitaanerup suliffeqarfimmilu sulinerup shipping-imik suliffeqarfinni umiarsuaatileqatigiiffinnilu suliassanik assigiinngitsorpassuarnik naammassinnissinnaanngortissavaatsit. Periarfissat amerlaqaat, soorlu Umiarsuarnik Ingerlatsivimmi ataqatigiissaarisutut Aningaasaqarnermullu immikkoortortaqarfimmi controller-itut sulilersinnaassaatit.

Piumasaqaatit qinnuteqarnerlu

Naatsorsuutigaarput minnerpaamik ilinniarnertuutut naammassisimassasutit, tuluttut, matematikkimi qallunaatuumilu angusarissaarlutit. Ilinniartitaaneq tuluttut ingerlanneqassaaq.

Inuttut anguniagaqallaqqissuussaatit, nammineersinnaassuseqarlutit naammassinnikkusussuseqarlutillu, aammalu suliffimmut ulapaarfiusumut, akisussaaffeqarfiusumut annertuumillu piumasaqaateqarfiusumut piareersimassaatit.

Qinnuteqaat
Royal Arctic Line A/S-imi ilinniartunngornissamik imaluunniit lærlinginngornissamik qinnuteqaatit atorfiit inuttaqanngitsut aqqutigalugu nassiunneqassapput sungiusaatigalugu suliffissaq pillugu allagarsiussarput innersuussutigalugu.