Datateknikeri

Attaveqarfinnut aaqqiissutissanik suliffeqarfimmut tamarmut pingaarutilinnik ilusilersuinissaq nuannerunartippiuk – qarasaasialerinermullu imaannaanngitsuussutsit atorluarusuppiuk. Taava Royal Arctic Line suliffeqarfiuvoq aallartiffigissallugu piukkunarluinnartoq

IT Royal Arctic Linemi sulisorpassuarnut suliatigut oqilisaassisuuvoq. Systemit ingerlalluarnissaat pingaartuuvoq, atuisullu pisariaqartitsinerlu siunertaralugit ineriartortinneqarsimallutik.

IT-mut immikkoortortaqarfik Nuummi inissisimavoq nunamilu umiarsuarnilu IT-mut aaqqissuussinernut sullissiviulluni.

Datateknikerinngorniarninni systeminik nutaanik ilusilersuineq, ineriartortitsineq atulersitsinerlu ilinniassavatit - softwarenut, hardwarenut attaveqarfinnullu tunngatillugu. Isumannaallisaanikkut malinnaatitsineq, nutarterisarnikkut backupilersuinikkullu, kukkunernik it-mut tunngasunik atuisullu kukkunerinik ujarlerneq aaqqiinerlu, ulluinnarni ingerlatsinermi IT-mut tunngasunik ikiuineq. Hardwarenik, monitorinik, printerinik, routerinik, serverinik allanillu ikkussuineq ingerlatsinerlu.

Ilinniarnerup ingerlarnga
Ilinniarneq ukiunik sisamanik sivisussuseqarpoq, atuarfimmiittarnermik paarlakaattumik ingerlanneqartarluni, siullermik Danmarkimi Mercantecimi atuarluni Nuummilu qullersaqarfimmi IT-mut immikkoortortaqarfimmi sungiusaatigalugu sulilluni. Sungiusaatigalugu sulinerit Nuummi ingerlanneqarnerusarput, sivikinnerusumilli Aalborgimiissinnaaneq aamma periarfissaavoq.

Qinnuteqaat
Royal Arctic Line A/S-imi ilinniartunngornissamik imaluunniit lærlinginngornissamik qinnuteqaatit atorfiit inuttaqanngitsut aqqutigalugu nassiunneqassapput sungiusaatigalugu suliffissaq pillugu allagarsiussarput innersuussutigalugu.