Tammajuitsussatut pisat nassiunneqarnerat

Uani nassaarisinnaavatit amernik aamma tammajuitsussanik pisanik allanik Kalaallit Nuaanniit nassiussinermut maleruagassat

Tammajuitsussatut pisat qanoq illillugit Danmarkimut nassiunneqassappat?
Uumasut kukiffallit amii suliarineqanngitsut aamma timmissat kivigassat nappaateqannginnerannut uppernarsaammik Kalaallit Nunaanni oqartussaasunit / inuussutissanik nakkutilliisunik suliarineqarsimasumit eqqortumik (originali) ilaqartinneqassapput. Taassuma saniatigut suliarineqassaaq CVED (EU-mut uppernarsaasersuut: Common Veterinary Entry Document) uumasut nakorsaasa misissuinissaannut atorneqartussamik. Attaveqarfigisinnaavat Aalborgimi Royal Arctic Logistics telefonikkut +45 99 30 32 34 CVED-imik qinnuteqarnissannut ikiorneqartariaqaruit.

Tammajuitsussatut pisanik nassiussanik Danmarkimi kikkut tigusaqarsinnaappat?
Amernik aamma tammajuitsussatut pisanik tigusisussat nunap immikkoortuani sumiiffimmi inuussutissalerisutut eqqussisinnaasutut nalunaarneqarsimassapput. Eqquissuisutut nalunaarsuiffimmi pilersitsineq uani Virk.dk atuarsinnaavat imaluunniit attaveqarfigisinnaavat Erhvervsstyrelsen telefon +45 35 29 10 00.

Uumasunik nungoratarsinnaasunik avammut annissineq
Nannut amii suliarineqanngitsut aamma uumasut allat nungoratarsinnaasut uani allattorneqartut andre truede dyrearter akuersissummik CITES-imit annissisinnissamut aamma eqqussinissamut eqqortumik (originali) ilaqartinneqassapput aammattaaq CVED-imik uumasut nakorsaasa misissuinissaannut atorneqartussamik. Qanoq iliorluni akuersissummik CITES-imik pissarsisoqarsinnaanera uani  Naturstyrelsens hjemmeside atuarsinnaavat imaluunniit akuersissummik qinnuteqarsinnaavutit uunga Aalisarnermut, Piniarnermut Nunalerinermullu Naalakkersuisoqarfik.


Arferit saarnginik nassiussineq
Arferit saarngi akuersissummik CITES-imit annissisinnissamut aamma eqqussinissamut eqqortumik (originali) ilaqartinneqassapput aammattaaq CVED-imik uumasut nakorsaasa misissuinissaannut atorneqartussamik.

Terianniat aamma ukallit amiinik nassiussineq
Terianniat aamma ukallit amiinik suliarineqanngitsunik nassiussinermi taamaallaat CVED uumasut nakorsaasa misissuinissaannut atorneqartussaq piumasaqaataavoq.

Tuttut aamma umimmaat nassuinik saaniinillu nassiussineq
Uumasut kukiffallit nassui aamma saarngi nappaateqannginnerannut uppernarsaammik Kalaallit Nunaanni oqartussaasunit / inuussutissanik nakkutilliisunik suliarineqarsimasumit eqqortumik (originali) ilaqartinneqassapput.

Tammajuitsussatut pisanik Danmarkimi assartuineq
Tammajuitsussatut pisanik Danmarkimi assartuineq Royal Arctic Logisticsimit aaqqissuunneqarsinnaavoq, kisianni taakku taamaallaat tigusisussamut toqqaannartumik assartorneqarsinnaapput, tassa Danmarkimi qerititsiveqarfinnit tamajuitsussatut pisat tiguneqarsinnaanngimmata.

Tammajuitsussatut pisanik nassiussinermi aningaasartuutit suuppat?
Tamajuitsussatut pisanik nassiussinermi imaatigut assartuineq akilerneqassaaq. Taasuma saniatigut aningaasartuutit makkuupput:

Uumasut nakorsaasa misissuinerat:

Uumasut nakorsaannit akiligassiissut malillugu

Nioqqutissap nalinga aallaavigalugu moms:

Nalingata 5 procentia

CVED:

DKK 400 ataaseq + moms

Eqqussinermi ilanngaaserineq:

DKK 300 ataaseq + moms

Immikkut passussineq / uumasut nakorsaasa misissuinerat:

DKK 275 ataaseq + moms

Tammajuitsussatut pisat pillugit apeqqutissaqaruit nangaassuteqarnak sullittakkanik sullissivik saaffigiuk uunga +45 99 30 32 34 imaluunniit import@ralog.dk.