Nassiussat qerisut
Royal Arctic Line nassiussavit qerisut assartornissaanut ikiussallutit piareersimavoq. Sunik aamma qanoq annertutigisumik nassiussinissamut maleruagassat uani nassaarisinnaavatit
Nassiussanik qerisunik assartuinermi tamatigut nassiussisup akisussaaffigaa nassiussinermi nassiunneqartunut maleruagassat eqqorlugit pinerat. Inuussutissalerinermut oqartussaasut imaluunniit Told & Skat inuit nassiussaannik qerisunik unitsitsisinnaapput, tamatumani aalajangersakkat eqquutsinneqarsimanngippata, Ajornerpaamik pisoqarpat nassiussisup akiligassaanik poortukkat utertinneqarsinnaapput imalluunniit piuneerutsinneqarsinnaapput. Taamaattumik pingaaruteqarpoq poortukkani qerisuni tamani Kalaallit Nunaannit nassiunneqartuni Danmarkimi aamma EU-mi ilanngaaserinermut aamma inuussutissalerinermut maleruagassat malinneqarnissaat. Maleruagassat pingaarnerit matuma kinguliani atuarsinnaavatit imaluunniit nerisassanik EU-mut eqqussinermut maleruagassat aasinnaavatit uani
Imaatigut assartuineq nassiussallu assartoqqinneqarnerat Nunatsinnit nassiussisumit tamatigut akilerneqartarput, nassiussanillu tigusisussap momsimut akitsuuserisunullu aningaasartuutaajunnartut akilertarpai. Nassiussat €45-t sinnerlugit naleqarpata momsimik akiliisoqassaaq, poortukkallu nalingata €500-t sinnerpagit momsimik akitsuuserinermullu akiligassanik akiliisoqassaaq.
Annertussutsinut aamma poortuinermut maleruagassat
Inuit ataasiakkaat 30 kiilut tungaannut nassiussisinnaapput – Danmarkimi tigusisussamut ataatsimut.
Royal Arctic Linep ”5 kiilunut malittassaq” atorlugu nassiussalerineq pisariinnersoq neqeroorutigaa
Sullitat Akitsuutinut Momsimullu, uumasunut oqartussaqarfimmut kiisalu CITES-imit akuersissutinut isumagisassat namminneerlutik isumagerusunngikkunikkit, nassiussatik immikkoortunut annerpaamik 5 kiilukkuutaartunut poortorsinnaavaat. Immikkoortorlu ataaseq immikkut tigusisussaqassaaq. Ima paasillugu, poortugaq 20 kiilunik oqimaassusilik immikkoortunut sisamanut 5 kiilukkuutaartunut agguarneqassaaq. Immikkoortullu tamarmik immikkut tigusisussaqartinneqassapput. Nassiussat nassiussanut allagartaq ataaseq atorlugu nassiunneqassapput assartuinertullu ataasiinnartut naatsorsorneqassapput.
Nassiussinermi ataatsimi tigusisussat arlaliussappata nassiussat annerpaamik 5 kiilukkuutaarlugit immikkoortitissavatit immersugassarlu una immersorlugu, tassanilu poortukkat immikkoortut tigusisussamut sorlermoornersut ersarissumik allattussavatit. Poortukkat tigusisussanut arlalinnukartut agguarneqaratik ataatsimoortillugit najukkamut ataatsimut nassiunneqassapput.
Imarisanut maleruagassat
Uumasut nalinginnaasoq neqaat avammut anniseqqusaanngitsut, kisianni uumasut ataasiakkaat nungoratarsinnaasunut tunngatillugu immikkut ittunik maleruagassaqarpoq. Uumasut nungoratarsinnaasut niuerutigineqarnerat pillugit maleruagassat uani atuarsinnaavatit Miljøstyrelsens hjemmeside.
|
Uumasut neqaat avammut anniseqqusaasut assersuutigalugit tassaapput: |
Uumasut neqaat avammut anniseqqusaanngitsut assersuutigalugit tassaapput: |
Inuinnaat qerisunik nassiussisarnerannut paasissutissat amerlanerusut pissarsiarisinnaavatit ugguuna.
Paasissutissat
Danske Fragtmænd aggustip 31.-iani naggataamik nassiussanik qerisunik toqqorsivimminniititaqassapput, Royal Arctic Lineminngaanniillu qerisunik toqqorsisinnaasunik allanik ujarlerneq iluatsinneqarsimanngilaq. Taamaattumik Danske Fragtmændit toqqorsiviannut qerisunik aallertarneq pisinnaajunnaassaaq. Sullissinerli Sjællandimi ingerlatiinnarneqassaaq, nassiussallu Sydhavnimut aaneqarsinnaasassapput.
Danske Fragtmændilli septemberip aallaqqaataa aallarnerfigalugu nassiussanik pajuttuisinnaalissapput imannallu akeqassapput:
Nassiussassat qerisut 30 kg tikillugu Sydhavnimut nassiunneqarsinnaapput akigitinneqarluni: DKK 500,00
Nassiussassat qerisut 30 kg sinnillit Sjælland-imut akeqarput: DKK 1.300,00, tassanilu sullitatta aaliangersinnaavaa nammineq Sydhavnens Frysehusimut, Bådehavnsgade 48, 2450 København, aassanerlugit, imaluunniit toqqaannaq pajugutigineqassanersut.
Jyllandimi Fynimilu pajutsinneq
30 kiilut sinnerpagit: DKK 950,00
30 kiilut ataappagit: DKK 500,00
Akit taakkartorneqartut momsilerlugit akilerneqartassapput Danmarkimiittup tigusisup akiligassaq akilissappagu.
Nassiussanut qerisunut tunngasunik apeqqutissaqaruit nangaassuteqarnak sullittakkanik sullissivik attaveqarfigiuk telefon +299 70 15 00 imaluunniit kundeservice@ral.gl.