Nassiussani aserortoqarsimavoq

Erngertumik maluginiagassat

Umiarsualivimmi nassiussassarsiatit tigugaangakkit erngertumik misissortassavatit, ajoquteqassappatalu tigusinermut allagartamut nalunaarsorlugit.

Aserortoqarsimaneranik malunnartoqanngikkaluartorluunniit eqqaamassavat angerlamut apuukkaangavit nassiussassarsiavit misissorluarnissaat. Imarsiornerup inatsisaa malillugu ullunik pingasunik periarfissaqarputit Royal Arctic Linemut aserorsimasunik nalunaaruteqarnissannut.

Taamaattumik nassiussassarsiatit tigoreeraangakkit erngerlutit puiartakkit misissortarlugillu.

Erngertumik aserorsimasut nalunaarutiginissaanut peqqutaasoq tassaavoq, aserorsimasut erngertumik nalunaarutiginngikkaanni uppernarsaruminaassisarnera assartuinermi aserorneq pinngorsimanersoq. Aserorsimanermut peqqutaasut misissornissaanut pingaarnerpaavoq aserorsimasut erngertumik nalunaarutigineqarnissaat.

Aserorsimasoqarpat nalunaarusiortoqartassaaq, taannalu uani nassaarisinnaavat. Ilitsersuut nalunaarusiami nassaarineqarsinnaavoq.