Akitsuusiisarneq

 

Royal Arctic Line Danmarkimi SKAT oqilisaassussinissaq pillugu suleqatigisimavaa, 50 kg ataallugu oqimaassuseqartunik nalikitsunik Kalaallit Nunaannit Danmarkimut nassiussanut atatillugu. Malerugassiaq taaneqartoq Danmarkimi SKAT-imit atorunnaarsinneqarpoq. Tamanna isumaqarpoq privat-init nassiussat tamarmik siunissami akileraaruserisukkoortittalerneqassasut. Siunissami tassa akitsuummik moms-imillu akiliisoqartalissaaq, nassiussat nutsernermi pequtaanngippata, utertitaanngippata imaluunniit iluarsaatsitassatut nassiussaanngippata. Nassiussalli taaneqartutut ittut akileraaruserneqassanersut misissorneqartalissapput. 

Maleruagassiarli atuutinngilaq privat-init qerisutut nassiunneqartunut, tamakkununngami atatillugu innersuussutigineqarpoq ”Qerisunut privat-itut nassiunneqartunut immikkut aaqqissuussaq”.

Kisiannili nutaamik maleruagassiap assersuutigalugu tunissutitut nassiussat ilaatigut eqqorsinnaasassavai, akileraarummik moms-imillu nalinga aallaavigalugu akileraartussanngortitsinikkut.

Royal Arctic Linemit isumagineqarsinnaassapput nassiussamut ataatsimut 300 kronit tikillugit nalilikkanut nalunaarsuisarnissat. 

Maluginiarneqassaaq nassiussat tunniunneqarsinnaanngimmata akileraaruserisutigoortinneqar-simatinnatik.

Apeqqutissaqartut Royal Arctic Line Danmarkimut saaffiginnissuteqarsinnaapput oqarasuaat normumut 99 30 32 34 sianerlutik.

EU-p iluani Kalaallit Nunaanni firma-mit inuinnarmut nassiussat. Aammalu inuit marluk akornanni niueqatigiinnermik pisoqarsimappat.

EU-p iluani nassitiguit 80 kr.-t sinnerlugit naleqartumik, taava nassiussamut atatillugu akitsuutinik, akileraatutinik eqqussinermullu akiliummik akiliissaatit.

Nassiussinermi akit akitsuusiinissallu ataaniittutut isikkoqarput: 

  • 80 DKK ataallugu naleqarpat: Akitsuutinik akileraarutinik eqqussinermullu akiliummik akiliissanngilatit
  • 80 – 1.1150 DKK  iluani nassiussaq akeqarpat: Moms aamma eqqussinermut akiliut akilissavatit
  • 1.150 DKK sinnerlugu nassiussaq naleqsarpat: Taava akilissavatit moms, akitsuut/akileraarut eqqussinermullu akiliut
  • 80 DKK-mik killiliussami naliliinermi ilaanngillat nassiussinermut atatillugu aningaasartuutit nalingi. 

Nassiussap suunera apeqqutaalluni, tassunga akitsuusiunneqartartut assigiinngitsuupput.

Akitsuut naatsorsorneqaqartarpoq nassiussap nalingata nassiussinermilu akip katinnerisigut

Akitsuutip saniatigut aamma akilerneqassapput moms, nassiussap nalingata 80 DKK sinnerpagu.

Moms 25%-iuvoq tunngavigalugit nassiussap nalinga, nassiussinerullu akia

Nalilersuinermi nassiussap nutaajunera nutaanngitsuuneralu apeqqutaatinneqarneq ajorput 

Tunissutit.  Tassaassapput inuinnarmiit inuinnarmut ingerlatinneqartut. 

  • Tunissutit 360 kr.-t ataallugit nalillit akitsuuserneqarneq ajorput.
  • Tunissutit 360 – 1.150 iluani akeqartut moms-ilerneqarlutillu eqqussinermut akiliuserneqassapput.
  • Tunissutit 1.150 kr.-t sinnerlugit naleqartut 2,5%-imik akitsuuserneqassapput qaavatigullugu ilanngunneqassallutik moms aamma eqqussinermut akiliut.