Royal Arctic Line A/S

Suliffeqarfik tassaavoq Royal Arctic Line A/S, taanna Namminersorlutik Oqartussanit pigineqarpoq. Kalaallit Nunaata nunarsuullu sinnerata akornanni assartuineq aammattaaq Kalaallit Nunaanni illoqarfiit akornanni imaatigut angalaneq Royal Arctic Linep umiarsuaataanit ingerlanneqarpoq, kiisalu usit nunaqarfinnut tamanut assartorneqartarput.

Kalaallit Nunaanni umiarsualivinni anginerni 13-ini Royal Arctic Line sullissinermik isumaginnittuuvoq aamma tamatumunnga ilutigitillugu umiarsualivinni taakkunani 13-ini Namminersorlutik Oqartussat sinnerlugit oqartussaasuuvoq.

Assartuinermi kiffartuussinerit soorlu timmisartukkut, umiarsuakkut/timmisartukkut ataqatigiissumik aamma patajaallisaaneq Royal Arctic Linemit isumagineqarput.

Suliffeqarfissuup Danmarkimi sinniisoraa Royal Arctic Line Danmark A/S. Tassanilu ukiumut nassiussat 85.000-it sinnerlugit nassiunneqartarput ataqatigiissaarneqartarlutillu, Aalborgimi allaffik aqqutigalugu. Nassiussat isumagineqarnerat sullissisut aqqutigalugit pisarpoq Agri-Norcold, Frode Laursen aamma Eimskip Aarhus aqqutigalugit.  

Royal Arctic Line niuerfinni allani aammattaaq ingerlatsivoq. Ilaatigut Kalaallit Nunaanni ilaasunik angallassineq ingerlanneqarpoq suliffeqarfik pigisaq Arctic Umiaq Line aqqutigalugu.
 

Rederiets Document Of Compliance