Inuiaqatigiinni akisussaaqataanerup nassuiaatigineqarnera
Royal Arctic Linep CSR-politikki 2012-imi akuersissutigaa. Politikkimi qitiutinneqarput sammisat suliffeqarfiup niuernermigut anguniagai, soqutigisaqartunut pingaaruteqartut aamma Royal Arctic Linep allannguilluni iliuuseqarfigisinnaasai. Nalilerneqarpoq taamatut iliortoqarsinnaasoq ingammik suliffeqarfiup silap pissusaanut aamma avatangiisinut sunniuteqarnerata killilerneratigut, sulisunik isumannaallisaanerup aamma iluarisimaarinninnerup annertusineratigut, inuit pisinnaatitaafiisa siuarsarnerisigut aamma ileqqorissaarluni niuernermik ingerlatsinikkut kiisalu nunatsinni sumiiffinni inuiaqatigiinni aallussineq aqqutigalugu, tamanna inuiaqatigiinnut aamma suliffeqarfimmut nalilinnik pilersitsivoq.