Atorfinitsitseriaaseq

Umiarsuaatileqatigiiffiup piginnaasatigut pisariaqartitaanut naleqartitaanullu naleqquttunik sulisussarsinissaq Royal Arctic Linep anguniagaraa. Tamannalu atorfinitsitseriaaseq aqqutigalugu pisarpoq, taannalu suliffeqarfiup illillu qinnuteqartutut immissinnut tulluartuunissinnik nalilersuinissassinnut periarfissiivoq.

Sulisutta isumaqarluartumik suliffeqarnissaat anguniagaraarput, pitsaassuseq kajumissuserlu pingaartillugit:

Tamatumunngalu atatillugu Royal Arctic Linemi naleqartitavut pingasut najoqqutarivagut:

• Suleqatigiinneq
• Ukkataqarneq
• Kinguneqartitsineq

Royal Arctic Linemut suliffissarsiorninni suut naatsorsuutigisinnaavigit
Royal Arctic Linemi atorfinitsitsiniarnermik aallartitsigaangatta, sulisumik piginnaasatigut pisariaqartitatsinnut naleqquttumik nassaarniarnissaq pingaarnertut suliassarisarparput. Naleqquttuunissavillu saniatigut, aamma pingaaruteqarpoq illit qinnuteqartutut atorfimmut naleqqunninnik takunnissinnaanissat. Taamaammat peqqissaarlutalu piffissaq pisariaqartoq atortarparput.

Atorfimmut qanoq ittumut qinnuteqarnerit atorfinitsitseriaatsip qanoq ittuunissaanut apeqqutaasarpoq. Atorfinnut qaammammusiaqarfiusunut misilitsinnerit pingaarutilittut atorneqartarput.
Atorfinnut allanut misilitsinnerit atorneqarneq-ajorput.

Qanoq ilillunga qinnuteqassaanga?
Atorfiit inuttaqanngitsut tamaasa allagarsiutigisarpagut, nittartakkallu suliffissarsiortarfiit, soorlu Sermitsiaq.ag, najukkani aviisit kiisalu Jobindex immikkut ilisimasalittut atorfinnut atortarlutigit. Tamatuma saniatigut aamma Workplace by facebook, Royal Arctic Linemi attaveqaqatigiittarfiusoq, aamma LinkedIn atortarpagut. Suliffissarsiorninni ikiortimut aamma ilanngussinnaavutit, taava atorfimmik inuttaqanngitsumik ilinnut naleqquttumik peqarpat nalunaarfigineqassaatit.

Qinnuteqaatit tamarmik nittartakkatsinni atorfimmut allagarsiussami ingerlaqqiffissaq atorlugu nassiunneqassapput. Mailikkut qinnuteqaatinik tigusineq-ajorpugut.

Naapissaagut?

Qinnuteqaatit atuareerutsigit, qinnuteqartut pikkunneqartut oqaloqatigiinnissamut qaaqqussavagut, suliassat atorfimmullu piumasaqaatit qinnuteqartup piginnaasaanut naatsorsuutigisaanullu naapertuunnersut misissorneqassallutik.

Qinnuteqartunik oqaloqatigiinnissamut qaaqqusinnginnitsinni toqqarneqartut PI-mik, pissuserisanik misissueqqissaarnissamik, nassittarpagut, kiisalu aamma PLI-mik misilitsiffissaq, ilikkarsinnaassutsimut ilisarsisinnaanermullu misilitsissutaasoq. Misilitsinnermi angusat atorfiup ilisarnaataanut qinnuteqartullu misilittagaannut piginnaasaannullu naleqqiunneqassapput. Angusat aamma suliffissarsiortup oqaloqatiginerani sakkussatut atorneqassapput.

Atorfiit ilaannut tunngatillugu oqaatsitigut piginnaasat qaffasissusiat pillugu qinnuteqartut imminnut nalilersuiffigalutik immersuisinneqartarput, oqaatsitigut unammillernartoqassappat Sulisoqarnermut immikkoortortaqarfiup suliniuteqarnissaanut paasissutissatut atugassamik.

Qinnuteqartut toqqarneqartut misilitsitsissutit tamaasa immersoreerpatigit, toqqarneqartut oqaloqatigiinnermut siullermut aggersarneqassapput.

Aqutsisoq sulisussarsiortoq Sulisoqarnermullu immikkoortortaqarfimmeersoq oqaloqatigiinnermi naapissavatit. Tunuliaqutarisatit sunalu pissutigalugu atorfimmut qinnuteqarnersutit tusarusupparput, inuttullu atorfimmut Royal Arctic Linemullu naleqqunnersutit aamma paaserusupparput. Qinnuteqartut soorunami aamma atorfik pillugu – minnerunngitsumillu Royal Arctic Line pillugu - itisiliiffiusumik paasissutissiiffigineqassaaq. Oqaloqatigiinneq nalinginnaasumik akunnerup aappaa avillugu sivisussuseqartarpoq.

Oqaloqatigiinnissamut siullermut qaaqquneqartut tamaasa oqaloqatigereerutsigit, qinnuteqartuni kina oqaloqatigiinnerit aappaannut aggersarneqassanersoq toqqassavarput.

Immitsinnut naleqquppugut?

Atorfinitsitsiniarneq naammassineqarpat, qinnuteqartut qanoq aalajangertoqarneranik ilisimatinneqassapput.

Atorfittaanni sulileruit, sulilerlaatut suliffittaanni maluginiakkatit siulliit pitsaanerpaajutikkumallugit suliffeqarfiup ilisaritinnera aallartinneqassaaq.