Atorfiit inuttaqanngitsut

Akisussaaffimmik tigusinissaq pisussaannartut isigiviuk - suliffissarsiorlutillu?
Taamaappat eqqortumut pivutit. Pikkorissunik akisussaassusilinnillu suleqatissarsiortuaannarpugut. Suliffeqarfitsinni suliatigut inuttullu ineriartornissannut periarfissaqartinneqassaatit.
Upperaarput suleqatigiit iluatsitsilluartut tassaasut inuit pimoorussisut suliaminnullu tunniusimasut, namminneq iliuutsiminnut angusassaminullu akisussaaffimmik tiguserusuttut. Illillu tassaaguit suliassannut sunniuteqaqataanissamik iluarisaqartoq peqatigisaanillu suliffeqarfiup kulturianut eqeersimaartumik akoorusuttoq, taava illerpiaq sulisussatut ujartukkatta ilagivaatsit.
Inuunermik isumalimmik kikkulluunniit atugarissaarfigisaannik aammalu qanoq suiaassuseqarneq tunuliaqutaqarnerlu apeqqutaatinnagit assigiimmik periarfissaqartitaaffiusumik pilersitsinissaq Royal Arctic Linemi suleqataaffigerusupparput. Ataasiakkaat piginnaanngorsarnissaat, peqqinnartumik isumalimmillu suliffeqarnikkut eqeersimaartumik peqataalersinnissaat sulissutigerusupparput, inuiaqatigiinnut tamanut iluaqutaasussamik. Sullivimmut pitsaasumut toqqissisimanartumullu killiliussat pilersikkusuppagut, ammasumik periuseqarneq tutsuiginassuserlu pingaarnertut toqqammavigalugit.
Suliffeqarfitta pitsaasumik allanngorartumillu suleriuseqarnissaq pingaartippaa. Upperaarpullu sulinermi pitsaasunik avatangiiseqarneq atugarissaarnissamut aalajangiisuusoq, taamaattumillu avatangiisit tamanit atugarissaarfiusut kajumilersitsisullu pilersinnissaat pingaartipparput.
Suleqatiginitsinni periarfissagissaarnerit atorluarsinnaassavat imminullu unammillersinnaassallutit. Suliatigut inuttullu ataavartumik ineriartornissaq sulisutsinnut neqeroorutigaarput, taamaalillutit Royal Arctic Line A/S-imi atuuffigisavit isumaginissaanut piareersarluarsimajuassallutit.
Akisussaaffimmik tigusinissamut piareersimaguit suleqatigiinnilu suleqataarusukkuit, qinnuteqaammik nassiussinissannut kaammattorusuppatsigit. Ilisarisimanerulernissat immaqalu suleqatigiinni suliaminnut tunniusimasuni suleqatitaatut tikilluaqqunissat qilanaarivarput.
Tusarfiginissat suleqatitaatullu tikilluaqqunissat qilanaarivarput.

Atorfiit maannakkorpiaq inuttassarsiuunneqartut allattorsimaffiat ataani takuneqarsinnaavoq. Allattorsimaffik imaqanngippat, atorfimmilluunniit ilinnut tulluartumik nassaarsinnaanngikkuit, kajumissaarneqanngikkaluarlutit qinnuteqaammik nassiussinissamut imaluunniit jobagentimik pilersitsinissamut tikilluaqqusaavutit.