Dettifoss 307-imik Nunatsinnut nassiussat kinguaattuussapput
Dettifoss 307-imik nassiussat Nunatsinnut apuunneqarnissaat ajoraluartumik kinguaattoorfiussaaq. Tamanna Dettifossip Savalimmiunut, Islandimut Nunatsinnullu ingerlaarnermini maskiinamik aserortoorneranik pissuteqarpoq, maskiinamilu ajoqutaasoq iluarsaanneqarniassammat Dettifoss Danmarkimut uterpoq.
Iluarsaassineq sapaatit akunneranni uani pingasunngorpat naammassineqartussatut naatsorsuutigineqarpoq, umiarsuullu angalanini tamatuma kingorna nangeqqissavaa. Dettifoss pilersaarummut utertinniarlugu umiarsuup Nuummut marsip qulingani aqqusaarnissaa taamaatinneqarpoq Nunatsinnullu nassiussat Reykjavikkimut sapaammi marsip aqqaneq aappaani apuunneqassapput ullullu marluk qaangiunnerini Tukuma Arcticap angalaneranut 308-mut useriarlugit Nuummut marsip 17-iani apuunneqartussatut naatsorsuutigineqarlutik.
Pissutsit qulaani taaneqartut pissutigalugit sapaatit akunneranni uani Islandimit Nunatsinnut umiarsuakkut nassiussisoqarsinnaanngilaq, aatsaallu sapaatit akunneranni 11-mi tamanna pisinnaalluni.
Kinguaattoornerup qulaani taaneqartup sullitatta nassiussaannut pisarissersuutaanera Royal Arctic Linep ajuusaarutigaa pissutsillu pillugit nutaarsiassaqaleriarpat ingerlaavartumik ilisimatitsisarumaarpugut.
Paasissutissat sukumiinerusut Royal Arctic Linep Nuummi Aalborgimilu Sullitanik kiffartuussiviinut saaffiginninnikkut pissarsiarineqarsinnaapput.