Umiarsuaq ilisarisimaneqartoq avatangiisini sungiusimasami angalalersoq

Umiarsuaq siornatigut Mary Arcticamik taaguuteqartoq, maannalu Silver Marymik taaguuteqartoq, ataasinngormat Aarhusimit aallarpoq Nuummut ingerlaassalluni. Silver Mary Nuummi usingiarneqareeruni avannaanut pajuttaatit angalatinneqalissaaq.

Umiarsuup imarpikkoortaatip Tukuma Arcticap angalanerani 317-imi usissat Avannaanukartut Silver Marymut nuunneqarput, ataasinngornermilu usilersuisoqaraluartoq ullormik ataasiinnarmik kinguaattoorluni Qeqertarsuup tunuanut tikinnissaa naatsorsuutigineqarpoq.

Uppernarsaatissat naleqqussarneqareerput sullitallu nassiussanut allagartanik nassinneqarumaarput Silver Mary umiarsuartut allanneqarsimassalluni.

Silver Linep suleqatigilluarnissaa qilanaarivarput.

Royal Arctic Line pilersaarusiornikkut arlalinnik suleqateqarpoq nutaanerpaarlu tassaavoq Silver Line, Mary Arcticamik maanna Silver Marymik taaguuteqalersumik pisisoq.

Umiarsuaq tunisinermut atatillugu Norgemiippoq piginnittortaaminut tunniunneqarluni. Royal Arctic Linep umiarsuaq aasat tamaasa ukiuni tallimani attartussavaat.