Nassiussassat annertussusiisa nikingassuteqarnerinut allannguuteqartitsinermi akiliut
Royal Arctic Line nassiussassat inniminnikkat annertussusiisa nikingassuteqarnerinut allannguuteqartitsinermi akiliummik juunip aallaqqaataani 2023-mi eqqussissaaq
Nassiussassatut inniminnikkat annertussusaat tunniunneqarnerini naapertuuttannginnerat Royal Arctic Linemit ajoraluartumik nalaanneqartarpoq. Nassiussassat annertussusaat eqqortut inniminniinermi paasissutissiissutigineqarnissaat pingaaruteqarpoq.
Inniminnikkat tunniunneqarnerini annertussutsimikkut nikingassuteqartarnerat umiarsuup usissaanik pilersaarusiornermi allaffissornermilu naleqqutinngitsumik suliassaqarnerulersitsisarpoq, kiisalu aamma umiarsuarni inissamik atuinngitsoortoqarneranik kinguneqaratarsinnaalluni. Taamaammat piujuartitsinissamik tunngaveqartumik assartuineq qulakkeerumallugu, aammalu nassiussassat umiarsuup aallarfissaanut kissaatigineqartumut usiliunneqarnissaat qulakkeerumallugu, siumut eqqortumik nalunaaruteqarnissaq inniminniinissarlu pingaaruteqarpoq.
Taamaammat Royal Arctic Line juunip aallaqqaataani 2023-mi atuutilersumik inniminnikkamik allanngortitsisoqassatillugu palletsimut ataatsimut, collimut ataatsimut imaluunniit immikkoortumut ataatsimut DKK 300-nik allannguuteqartitsinermi akiliuteqartitsinissaminut pisinnaatippoq.