BAF/CAF 1. marts 2023

Royal Arctic Linep uuliamut aningaasallu nalinginut tapiliuttagaq marsip aallaqqaataani 2023-mit allannguuteqassanngitsoq aaliangerpaa. Maannakkumut tapiliuttakkap uuliamut aningaasallu nalinginut ineriartorneq malippaa, qaammatillu siuliani akigititaq nikisinneqassanngilaq.

Ineriartorneq qanimut malinnaaffigineqarpoq aprilillu aallaqqaataani 2023-mi qanoq naleqqussaasoqassanersoq marsip ingerlanerani nalilersuiffigineqaqqissaaq.

Royal Arctic Linep uuliamut aningaasallu nalinginut tapiliuttagaq iluanaaruteqarfigineq ajorpaa, tapiliut atortarpoq uuliamut akit aningaasallu nalingisa allanngoriartornerisa sunniutaannut ingerlatseqatigiiffik qajannaarsarniarlugu.