Tilioq Arctica Eqalugaarsunneereerlunilu Saarlumeereerpoq

Sapaatip akunnerata naanerani Tilioq Arcticap Eqalugaarsunnut Saarlumullu apuunniarnera iluatsissimavoq, taamaattumillu pilersuinermi assartugassat apuunneqarsimallutik.

Sikorsuaqarnera suli unammillernartoqartitsigaluartoq taamaattoq ullumikkut Nanoq Arctica Alluitsup Paata tungaanukarniarumaarpoq taamaasilluni Tilioq Arctica tulassinnaaniassammat.

Tasiisamut, Narsarmiinut, Eqarlugaarsunnut Saarlumullu iluatsereeripput maanna Alluitsup Paa, Ammassivik Aappilattorli kisiisa amigaataalerput.

Royal Arctic Linep sikorsuit ingerlaarnerat qanimut malinnaaffigivai nunaqarfiillu suli tikineqanngitsut periarfissaalerniariarpat tulaffigiartorniassallugit.

Pilersaarutit malillugit Tilioq Arctica apriilip 21-anni Narsarsuarmut apuussangatinneqaraluartoq sikorsuaqarneranik kinguaattoorneq peqqutigalugu apriilip 22-anni aatsaat tikissangatinneqarpoq.