Sikorsuit illikaatitilerput

Tilioq Arctica Eqalugaarsunnut misileeqqikkaluarami kingumut iluatsitsinngitsoorpoq.

TAAMAATTORLI, anorip sammivia allannguuteqarmat neriuutissaqalerpoq, sikorsuillu anorip sammiviata allanngorneratigut imaannarmut ingerlaariartulerput. Taamaammat Royal Arctic Linep umiarsuarnik aqutsisoqarfiani kiisalu Tilioq Arcticami aamma Nanoq Arcticami inuttat isumalluarput. Tilioq Arcticap aqagu arfininngornermi apriilip 15-iani Eqalugaarsunnut, Saarlumut, Alluitsup Paanut Ammassivimmullu misiliiteqqinnissaa maanna pilersaarutaavoq.

Nanoq Arctica maannakkorpiaq Nanortalimmut ingerlaarpoq Tasiisamullu aamma Narsarmijinut aqqusaarsinnaanissaa neriuutigineqarluni, maannakkorpiarlu tamanna isumalluarnarpoq.

Nanoq Arcticap Alluitsup Paanut ingerlaarnera assimi takuneqarsinnaavoq.