Tukuma Arcticap angalanera 329 kinguaattoorfiussaaq

Tukuma Arctica Aarhusimit ullumi aallartussaagaluartoq kinguaattuussaaq naatsorsuutiginngisamik teknikkikkut akornuteqalernera pissutigalugu. Tamatuma kingunerisaanik imarpikkut angalanermi 329-mi  assartugassat ullualunnik kinguaattuussapput, aammalu pajuttaatit Nuummit sapaatit akunnerata tulliani aallarfissaannut eqquissalluni. 

Teknikkikkut akornutaasoq Royal Arctic Linemit iluarsiniarlugu sulissutigineqalereerpoq umiarsuullu sapaatit akunnerata tulliani aallarnissaminut piareerneqarsimanissaa naatsorsuutigineqarpoq. 

Umiarsuarmik attartornissamut periarfissanik misissuereerpugut tamannali maannakkorpiaq pisinnaanngilaq. 

Nioqqutissanut asiujasunut tunngatillugu unammilligassaqalernissaa Royal Arctic Linep ilisimalluinnarpaa, taamaattumillu sullitatsinnut neriorsuutigissavarput pisumi sapinngisarput tamaat iliuuseqarniaratta kinguaattoortoqaqqinnissaalu pinngitsoortinniarsarigatsigu.

Tukuma Arcticap tamakkiisumik ingerlaqqilernissaa angalaqqilernissaalu pingaarnersiuinitsinni sallersaatipparput.

Sullitatsinnut pisarissersuutaanissaa ajuusaarutigaarput. Sullitavullu ingerlaavartumik ilisimatittarumaarpagut killiffillu pillugu umiarsuullu qaqugu aallarsinnaanissaa paaseriarutsigu tamanna immikkut nalunaarutigiumaarparput. Taamaattumillu sullitavut naammagittarsinnaanissaat taamatullu pisoqarnerani paasinnilluarnissaat neriuutigaarput. Apeqqutissaqartoqassappat, taakku Sullitanik ikiuisarfimmut ingerlateqquneqarput.